ہر دس میں سے آٹھ افراد اپنی زندگی میں کسی نہ کسی مرحلے پر کمر کے درد کا ضرور شکار ہوتے ہیں مردوں کی نسبت عورتوں میں اس تکلیف سے دوچار ہونے کی شرح زیادہ پائی جاتی ہے دوران حمل اور بعد از حمل ہڈیوں اور پٹھوں کے کمزور ہو جانے سے عورتوں میں کمردرد کی شکایات عام ہیں اس پریشان کن مرض کے سدباب کے لیے جہاں کئی اقدام تجویز کئے گئے ہیں ان میں درست نشست کا انتخاب ایک اہم ترین نکتہ ہے ماہرین طب کہتے ہیں کہ ایک موزوں اور آرام دہ کرسی نہ صرف کمردرد کے خطرہ کو کم کردیتی ہے بلکہ مسلسل ذہنی تناو اور دیگر عوارض میں بھی خاطرخواہ کمی کر سکتی ہے
سوال یہ پیدا ہوتا ہے کہ ااپ کے جسم کے لیے کونسی کرسی موزوں ہو گی اس کے لیے درج ذیل باتیں ذہن میں رکھیں
۔ ایسی کرسی خریدیں یا ایسی نشست کا انتخاب کریں جس پر بیٹھ کر آپ کے پاوں پوری طرح زمین پر لگ رہے ہوں
۔ ٹیک لگانے کی صورت میں آپ کی پوری کمر یا کم از کم کمر کے درمیانی حصہ کو سہارا مل سکے وہ کندھوں سے آگے کی طرف رہ سکے
۔ اطراف میں بازوں کو سہارا دینے کی صورت میں آپ کے کندھے اپنی قدرتی حالت مین رہیں یعنی کھڑے ہو نے کی حالت سے زیادہ جھکے ہوئے نہ ہوں اور نہ ہی آپ کو بازوں کو سہارا دینے کے بعد کندھوں کو اوپر اٹھانا پڑے۔۔