جس طرح ایک مجسمہ ساز اپنے اوزاروں سے ضرب لگا کر ایک چٹان کو تراش خراش کر اسےخوبصورت نقوش سے سجاتا ہے اسی طرح جب نقش سطح زمین کے اُوپر اُبھرتا ہے تو ہوا دریا گلیشیراور سمندری لہریں بھی ایک مجسمہ ساز کے اوزاروں کی طرح تراش خراش کر نئے نقوش کو ابھارتے ہیں ان میں پہاڑ ایک بہت بڑا نقش ہے جو اردگرد کی سطح سے یکدم بلند ہوتا ہے اور اس کی سطح زیادہ ڈھلوان دار ہوتی ہے کہیں نوکیلے پتھر ہوتے ہیں تو کہیں چکنی سطح زیادہ تر پہاڑ تہہ دار چٹانوں سے مل کر بنتے ہیں انہیں ملفوفہ پہاڑ کہتے ہیں یہ نسبتاً نرم چٹانوں سے بنتے ہیں۔
پہاڑ بننے کے دوران جب زمین کی اندرونی قوتیں چٹانوں پر دونوں اطراف سے دباؤ ڈالتی ہیں تو ان میں خم پڑجاتا ہے ہمالیہ ایلپس راکیز اور اندیز ملفوفہ پہاڑوں پر مشتمل سلسلے ہیں کبھی کبھی تناو زلزلوں کی وجہ سے زمین کی سطح میں شگاف پڑ جاتے ہیں ان شگافوں کے درمیان زمین کا کوئی حصہ اندرونی قوتوں کی وجہ سے سطح زمین کے اوپر ابھرتا ہے اسے بلاک نما پہاڑ کہتے ہیں جرمنی میں ہارذ اور انڑیا میں بہار کے پہاڑ بلاک نما پہاڑ ہیں زمین پر سب سے پرانے پہاڑ آج سے تقریباً 400 ملین سال پہلے معرض وجود میں آئے انھیں کلرونی پہاڑ کہتے ہیں۔
زمین کے اندر آتشی مادہ موجود ہوتا ہے جو زمین کے اندر حرکت کرتا رہتا ہے جسے ہم لاوا بھی کہتے ہیں کبھی کبھی یہ آتشی مادہ زمین میں موجود شگافوں اور دراڑوں میں سے سطح زمین کے باہر آجاتا ہے کبھی چٹان اور کبھی پہاڑ کی شکل میں جم جاتا ہے اسے آتش فشاں پہاڑ کہتے ہیں اس کے اندر چوٹی تک ایک تنگ راستہ بن جاتا ہے جس میں سے لاوا نکلتا ہے فیوجی یاما کراکاٹوا مےآن اور کوٹو پیکسی آتش فشاں پہاڑ ہیں آتش فشاں پہاڑ کا سب سے پڑا سلسلہ بحرالکاہل کی اردگرد ایک دائرے کی صورت میں پھیلا ہوا ہے جسے رنگ آف فائر کہتے ہیں۔
