شہر و گاؤں میں بھر گیا بارود

رگ و پے میں اتر گیا بارود

                                           حکمرانوں سے کہ رہی ہے زمین

                                           مجھ کو ویران کر گیا بارود

مندر و مسجد و کلیسا میں

کم اپنا تو کر گیا بارود

 

 

کتنے معصوم جل گئیں خاموش

ان کا گھونگھٹ کدھر گیا بارود

                                          رقص کرتی ہے سرحدوں پر موت

                                           ہاۓ کتنا بچار گیا بارود

مائیں روتی ہیں، بین کرتی ہیں

لال میرا کدھر گیا بارود 

 

 

 

کیوں جواں بن گۓ میرے بمبار

کیوں دماغوں میں بھر گیا بارود

                                          لاشیں بکھری تھیں، لوگ روتے تھے

                                          جس طرف سے گزر گیا بارود

آگ میں جھونک کر جواں کتنے

اپنی موت اپ مر گیا بارود

 

 

 

غمزدہ زیست پوچھتی ہے یہاں

چار سو کیوں بکھر گیا بارود

                                        مصلحت کوش اتنا سوچتے ہیں

                                        امن آخر تو کر گیا بارود

موت کو رقص ہو گا پھر محبوب

دیکھ لینا جدھر گیا بارود