جو بچے اسکول جاتے ہیں انکا لنچ باکس نہائت اہمیت کا حامل ہوتا ہے کیونکہ صبح کا ناشتہ کرنے کے بعد لنچ باکس میں رکھا ہوا لنچ ہی انکو توانائی اورغذائیت پہنچاتا ہے اسلیئے اکثر بچے ضد کرکے اپنی من پسند چیزیں ہی لنچ باکس میں اسکول لے کر جاتے ہیں اور کچھ بچے ایسے ہوتے ہیں جو کچھ بھی انکے والدین لنچ باکس میں رکھ دیتے ہیں وہ اسی کو شوق سے کھاتے ہیں
والدین کو اس بارے میں مکمل آگاہی ہونی چاہیے کہ وہ اپنے بچوں کے لنچ باکس میں کونسی اشیاء خوردنوش رکھیں جو غذائیت سے بھرپور ہوں اور جس سے انکے بچہ کی صحت متاثر نہ ہو اب تو کئی یورپی ممالک میں زیادہ تر اسکولز میں انتظامیہ اور اساتذہ بچوں کے لنچ باکس روزانہ چیک کرتے ہیں کہ کیا والدین نے صحت بخش اور غذائیت سے بھرپور غذا لنچ میں دی ہے یا نہیں کیونکہ صحت کے حوالے سے جو مشاہدات کیے جاچکے ہیں انکے حوالےسے جنک فوڈذ کا اسکول میں استعمال پر پابندی لگادی گئی ہے کینٹین والوں کو بھی کہا گیا ہے ہے کہ وہ جنک فوڈز نہ رکھے کیونکہ ان میں پائی جانے والے فیٹس اور مصنوعی مٹھاس صحت کے لیے بہت زیادہ نقصان دہ ثابت ہوتی ہے اس لیے والدین کو بھی اپنے بچوں کا لنچ باکس تیار کرتے ہوئے خیال رکھنا چاہیے
اسکے علاوہ اسکول انتظامیہ کو بھی چاہیے کہ وہ صحت اور فٹنس کے حوالے سے طالبعلموں کی مکمل رہنمائی کرے جن سے بچون میں بھی اس بات کی آگاہی ہو کہ کونسی چیز انکی صحت کے لیے نقصان دہ ہے والدین کو بھی چاہیے کہ وہ اپنے بچوں کے لیے تازہ اشیاء مثلا پھل ، نرم گوشت ، سبز سبزیاں مثلا کھیرا ، اور سلاد وغیرہ بنا کردیا جائے سوٖفٹ ڈرنکس اور انرجی ڈرنکس کو بچوں کے لنچ باکس میں شامل نہ کیا جائے