مختلف قسم کی ورزشوں کے اثرات مختلف ہوتے ہیں اور یہ قطعی ضروری نہیں ہو تا کہ جسمانی اعتبار سے ہیئت کے مالک افراد کسی ایک ورزش سے یکساں نتائج حاصل کر سکیں مگر ایک تحقیق سے یہ بات واضح ہوئی ہے کے ڈھلوا ن راستوں پر چلنا بہت زیادہ موٹے اور بہت زیادہ کمزور افراد کے لئے حیران کن نتائج کا باعث ہو سکتا ہے ۔
آسٹرین محققین کے مطابق ''ہائیکنگ '' کے دوران ڈھلوان پر چلنے یا دوڑنے سے خاص طور پر خون میں گلو کوز کا لیول کم ہوتا ہے اور ذیابیطس کے خطرات میں خاطر خواہ کمی واقع ہو جاتی ہے۔
ڈھلوا ن سے نیچے اترنے کی ورزاش جسم میں کولیسٹرول لیول پر بھی اثر انداز ہوتی ہے جبکہ ڈھلوا ن کے مخالف یعنی اونچائی کی طرف چلنے سے کو لیسٹرول کے ایک اہم جزو ( triglycerides ) میں کمی کی جا سکتی ہے۔
پہاڑی علاقو ں میں رہنے والے تو اس سہولت سے فیضیاب ہو سکتے ہیں لیکن کراچی جیسے شہر میں بھی ڈیفنس ،شہید ملت روڈ ،کار ساز ، اسٹیڈیم روڈ وغیرہ پر ایسی شاہراہیں موجود ہیں جہاں ڈھلوا ن راستے ''ہائیکنگ '' کے اس عمل مین معاون ثابت ہو سکتے ہیں۔
