انسان اپنی میں غذا دہی کا استعمال قدیم دور سے کر رہا ہے اور آجکل کے دور میں تو بازار میں دہی کی کئی اقسام دستیاب ہیں تاہم ہمارے یہاں ڈبوں میں بند دہی لوگ کم ہی استعمال کرتے ہیں عام طور پر کھلی دہی کا استعمال بہت زیادہ ہے حال ہی میں دہی پر ایک ریسرچ ہوئی ہے جس کے مطابق دہی مین موجود صحت مند بیکٹیریاز انسانی صحت کے لیے بہت مفید ہوتے ہیں دہی کے بارے میں ہمارے یہاں یہ بات عام طور پر کی جاتی ہے کہ یہ نظام انہظام کو تندرست بناتی ہے تاہم اس موضوع پر ریسرچ جاری ہے
لیکن جو لوگ دہی باقاعدگی سے استعمال کرتےہیں انکا یہی کہنا ہے کہ یہ بدہضمی کا بہترین علاج ہے بلکہ دستوں کی بیماری میں بھی اسکا استعمال بہتر سمجھاجاتا ہے یہی وجہ ہے کہ اسکا استعمال اب اسپتالوں میں بھی کیا جانے لگا ہے سائنسدان بھی اس بات پر تحقیق کر رہے ہیں کہ دہی آنتوں کے امراض میں استعمال کرنا کتنامفید ہے کیونکہ آنتوں کے امراض میں مبتلاء لوگوں کو اکثر اوقات دہی سے ہی افاقہ ہوجاتا ہے لیکن سائنسدان ابھی تک اس کا کوئی ٹھوس ثبوت پیش نہیں کر سکے لیکن دہی کے بارے مین یہ بات تسلیم شدہ ہے کہ اس میں کیلشیم کی مقدار بہت زیادہ ہوتی ہے اور کیلشیم کی افادیت سے کوئی انکار نہیں کرسکتا
دہی کی ایک اور خوبی یہ بھی ہے کہ اس میں کم چکنائی ہوتی ہے اور ڈائٹنگ کرنے والوں کے لیے یہ عمدہ غذا ہے دہی اچھی اور معیاری استعمال کرنی چاہیے کیونکہ آجکل جو دہی تیار کیا جاتا ہے اس میں مختلف کیمیکل ڈالے جاتے ہیں جو کہ انسانی صحت کے لیے مضر ہیں اور ماہرین بھی اس بات کا مشورہ دیتے ہیں کہ دہی صرف وہ کھائین جو خالص دودھ سے بنی ہو اور اس میں چکنائی مقدار بھی کم سے کم ہو ۔