جیسا کہ آپ جانتے ہیں کہ ان دنوں کرکٹ کا زوروشور عروج پر ہے اور ہر طرف ٹوئنٹی ٹوئنٹی ورلڈکپ کی دھوم مچی ہوئی ہے ۔ آج میں آپ کو بنگلادیش کے سکواڈ کے بارے میں بتاتا ہوں ۔ بنگلادیش اس ورلڈکپ کا میزبان ملک ہے ۔
پچھلے چند سالوں سے بنگلادیش نے کافی محنت کی ہے اور اپنی ٹیم میں نمایاں تبدیلی لاۓ ہیں ۔ ان کی ٹیم بھی چند تجربہ کار اور چند نوجوان کھلاڑیوں پر مشتمل ہے ۔ بنگلادیش نے اپنی بیٹنگ کو کافی حد تک بہتر کیا ہے اور اب وہ باقی ٹیموں کی طرح کوئی بھی سکور کر سکتی ہیں ۔
بنلگادیشی ٹیم کی قیادت مشفیق الرحیم کر ہے ہیں ۔ جو دائیں ہاتھ کے بہترین بلے باز بھی ہیں ۔ ان کی اوپننگ جوڑی بھی کافی حد تک بہتر ہے جس میں تجربہ کار کھلاڑی تمیم اقبال اور ایک نوجوان کھلاڑی انعام الحق ہیں ۔ جنہوں نے پچھلے چند میچوں میں بہت اچھی کارکردگی دکھائی ہے ۔ اسکے علاوہ ان کے پاس بیٹسمنوں میں کپتان مشفیق الرحیم، شکیب الحسن، ناصر حسین، محمداللہ اور شمس الرحمن ہیں ۔
اب بات کرتے ہیں ہم ان کے ان کھلاڑیوں کی جو بیٹنگ کے ساتھ ساتھ اچھی بولنگ بھی کروا سکتے ہیں ۔ ان کھلاڑیوں میں شکیب الحسن، سوھاگ غازی، مشرفی مرتضیٰ شامل ہیں ۔ شکیب الحسن کا شمار دنیا کے چند بہترین کھلاڑیوں میں ہوتا ہے ۔
کسی بھی ٹیم کی کامیابی میں فیلڈنگ اہم کردار ادا کرتی ہے اور باقی ٹیموں کی طرح بنگلادیش نے بھی اپنی فیلڈنگ کو کافی حد تک بہتر کیا ہے ۔ اور اب ان کا شمار بھی دنیا کی چند بہترین ٹیموں میں ہوتا ہے ۔
بولنگ کے شعبے میں بھی انکے پاس شکیب الحسن، عبدرزاق اور مشرفی مرتضیٰ ہیں پڑے ۔ جو کسی بھی ٹیم کو کسی بھی سکور پر آوٹ کرنے کی صلاحیت رکھتے ہیں ۔
ورلڈکپ میں تمام ٹیمیں متوازن ہیں اب جیتے گا تو وہ جو زیادہ محنت کرے گا ۔
