دل میں کسی دشمنی یا عداوت کا دیر تک جزبہ رکھنا بغض یا کینہ کہلاتا ہے یہ ایسی بُری چیز ہے جو دل میں کسی کی محبت یا نرم احساس نہیں ہونے دیتی اس لئے جو اس سے دور رہتے ہیں یا اس سے پاک رہنے کی دعا مانگتے ہیں اللہ تعالٰی نے اُن کی تعریف فرمائی ہے جنت میں جو لوگ ہونگے آپس میں بھائی بھائی ہونگے وہاں بغض و کینہ کا گزر نہ ہوگا اللہ تعالٰی کا فرمان ہے اور ہم نے ان کے سینوں سے کینہ تھا نکال لیا۔ بھائی بھائی ہو کر تخحتوں پر آمنے سامنے بیٹھے ان آیتوں سے معلوم ہوا کی جب تک بھائیوں میں کینہ رہے گا جنت کا تخت ہاتھ نہ آئے گا حضرت محمدﷺ نے ہمیں جو تعلیم دی ہے اس کے مطابق ہم سب مسلمانوں کو دنیا میں ہی جنت کی سی زندگی گزارنی چاہیے۔
آپﷺ کا فرمان ہے اے لوگوں آپس میں ایک دوسرے سے حسد نہ کرو ایک دوسرے سے کینہ نہ رکھو اور ایک اللہ کے بندے بن کر آپس میں بھائی بھائی بن جائو کسی بھائی کے لئے حلال نہیں کہ اپنے بھائی کو تین دنوں سے زیادہ چھوڑ دے یعنی اگر کسی وجہ سے دو بھائیوں یہ رشتے داروں میں لڑائی جھگڑے کی بات ہو جائے تو اُس کو تین دنوں سے زیادہ کوئی اپنے دل میں نہ رکھے۔ اور جب ملیں تو ایک دوسرے سے منہ نہ پھریں جو سلام میں پہل کرے وہ ہی سب سے بہتر ہے اگر دوسرے نے جواب دے دیا تو دونوں کو ہی ثواب ملا ۔
جس نے مغفرت اور توبہ مانگی اس کے لئے خیر ہے لیکن کینہ والوں کے اعمال اُن کے کینہ کے سبب لوٹا دیئے جاتے ہیں جب تک وہ اس سے باز نہ آجائیں۔ شرک اور کینہ دونوں کو ایک خاص پہلو سے برابر کا درجہ دیا گیا ہے دین دو چیزوں پر ہے اللہ کا حق بندوں کا حق جب تک شرک ہوگا اللہ کا حق ادا نہیں ہوسکتا اسی طرح جن دو آدمیوں میں کینہ رہے گا ان میں سے کوئی ایک دوسرے کا حق ادا نہ کر سکے گا جس طرح شرک منع ہے کیونکہ شرک حق اللہ سے منع کرتا ہے اسی طرح بغض و کینہ حقوق العباد سے منع کرتا ہے ان دونوں حقوق پر پورا اترنا ہی جنت کی کنجی ہے۔
