ایثار کا مطلب اپنی ضروریات پر کسی دوسرے کو ترجیح دینا ہے دوسروں کی ضروریات کی ضروریات کے لیے اپنی ضرورت کو قربان کر دینا یا خود بھوکا رہ کر دوسروں کو کھانا کھلانا ہے اور خود تکلیف برداشت کر کے دوسروں کو آرام پہنچانا ایثار کہلاتا ہے اللہ تعالیٰ نے ایثار کرنے والوں کی بے پناہ قدر کی ہے اللہ تعالیٰ قرآن مجید میں ارشاد فرماتا ہے ترجمہ اور وہ اپنی ذات پر دوسروں کو ترجیح دیتے ہیں اگرچہ وہ خود حاجت مند ہوں سورۃ الحشر آیت نمبر 9 نبی اکرمﷺ نے فرمایا مسلمان مسلمان کا بھائی ہے نہ اس پر ظلم کرے۔
اور نہ ظالم کے حوالے کرے جو کوئی اپنے مسلمان بھائی کی ضرورت پوری کرنے میں لگا رہے گا اللہ تعالیٰ اس کی ضرورت پورا کرے گا اور جو کوئی کسی مسلمان کی بے چینی دور کرے گا اللہ تعالیٰ قیامت کے دن اس کی بے چینی دور کرے گا اسلامی تاریخ ایسے واقعات سے بھری پڑی ہے کہ اللہ کے نیک بندوں نے دوسروں کی ہمدردی کرنے میں اپنی جان قربان کر دی حضرت ابو بکر صدیقؓ نے غزوہ تبوک کے موقع پر اپنے گھر کا سارا سامان حضورﷺ کی خدمت میں پیش کر دیا۔
اگر ہر شخص اپنی حیثیت کے مطابق دوسروں کی مدد کرے تو ہم بہت سے مسائل اپنی مدد آپ کے تحت حل کر سکتے ہیں جن بچوں کے والدین اپنی غربت کی وجہ سے اپنے بچوں کو تعلیم نہیں دلوا سکتے اگر ایک امیر طبقہ ایسے بچوں کو تعلیم دلوا کر ایک پڑھا لکھا معاشرہ تشکیل دے سکتا ہے اس کے علاوہ ہمیں چاہیے کہ جب ملک میں یا کسی شہر میں کوئی آفت آئے تو دل کھول کر ان کی امداد کی جائے انشاءاللہ اس ملک کا ہر شہری اپنے پاؤں پر کھڑا ہو جائے گا اور ایک مثالی معاشرہ وجود میں آئے گا۔
