دوسروں کی دعائیں اور ہمدردیاں حاصل کریں ؛۔ کسی غرض کے بغیر دوسروں کے کام آنا خود اپنے کام آنے کے مترادف ہے ، ماہر نفصیات کی بڑی تعداد اس بات پر متفق ہے کہ کوئی بھی شخص رضا کار انہ خدمات دے کر ذہنی و جسمانی صحت کو بہتر بنا سکتا ہے ، وہ خو د کو کہیں زیادہ آسودہ محسوس کر سکتا ہے ، دوسروں کی مدد انسان کے اندر انسانی ہمدردی کے جذبات پروان چڑھاتی ہے ، یہ اس بات کو ظاہر کرتی ہے کہ ایسے فرد میں سمجھنے اور سوچنے کی بہتر صلاحیت موجود ہے ، رضاکارانہ خدمات انجام دے کر آپ خود کو یہ بتاتے ہیں کہ آپ بےکار نہیں ہیں ، اس طرح آپ کا انسانوں سے رابطہ گہرا اور مضبوط ہوتا ہے ، چونکہ اتنہائی یاگوشہ نشینی ڈپریشن کی اہم اسباب ہیں لہذا لوگوں سے رابطےاس مرض کو قریب نہیں آنے دیتے۔
خوش ہونا سیکھیں :۔ ڈپریشن میں مبتلا افراد وہ عمل چھوڑ دیتے ہیں جو ان کے لئے ذہنی سکون اور خوشی کا باعث ہوتے ہیں ۔ ریگن ریسرچ یونیورسٹی کے ماہر نفصیات پٹیرام کا کہنا ہے کہ بے تکلف دوستوں سے ملاقات ایک مثبت عمل ہے ، کوئی نیا ہنر سیکھنا ، ونڈو شاپنگ ، گھر سے باہر ڈنر یا فلم بنیی بھی اس زمرے میں آتی ہے ۔
خوشی کے حصول کے لئے ضروری نہیں کہ کسی بڑی خوشی کا انتظار کیا جائے ، چھوٹی چھوٹی باتوں پر خوش ہونا سیکھیں ، بلکہ بعض ماہرین کا کہنا ہے کہ اگر آپ کو اداسی کا دورہ پڑ رہا ہے تو پیروں کو مت پٹخیں ، منہ ہی منہ میں مت بڑبڑائیں ، اور نہ ہی دماغ کو کھولا ئیں ، بلکہ ہو سکے تو مسکرائیں ، ایسی حالت یہ عمل مشکل ضرور ہے لیکن مسکرانا آپ کا موڈ بحالکر دے گا ۔
