اگر آپ کسی کمرے میں جا ئیں اور وہاں ایک بلب جل رہا ہو جو نہ تو کسی بجلی کی تار سے منسلک ہو اور نہ ہی اسے کسی قسم کی بیٹری سے توانائی دی جارہی ہو تو آپ کیا سمجھیں گے ،کوئی شعبدہ ؟ یقینا ایسا ہی سمجھا جا ئے گا ، لیکن ایسا ہونا کو ئی شعبدہ نہیں بللکہ سائنس کی ترقی ہے۔
حال ہی میں امریکی سائنسدا نوں نے ایک منصوبے پر کام شروع کیا ہے جسے ‘‘وائی ٹرلیسٹی’’ کا نام دیا گیا ہے ۔ اس منصوبے کے تحت بجلی کی ترسیل کو بغیر تاروں کے ممکن بنانا ہے لیکن اس کا یہ مطلب نہیں کہ فضا میں برقی رو اس طرح پھیل جا ئے گی اس کی زد میں آنے والے کو نقصان پہنچنے کا اند یشہ ہو،بلکہ اس مقصد کے لئے بجلی سے پیدا ہو نے والے مقناطیس میدان کو آگے بڑھایا جائے گا۔
وائی ٹرلیسٹی ٹیکنالوجی کے استعمال کے لئے ‘‘سورس ریزونیٹر’’ایک بڑے برقی کوائل کو بنایا گیا ہے ۔یہ کوائل مقناطیس میدان پیدا کرتا ہے اور اگر جب اس کے قریب ایسا ہی دوسرا کوائل لایا جا تا ہے تو برقی چارج پیدا ہوتا ہے
اور ان دونوں کوائل کے درمیان رکھی ہوئی برقی اشیا بغیر کسی تار کے اس بجلی کو استعمال کر سکتی ہیں۔