قدیم زمانے سے لوگوں کے ذہنوں میں یہ بات بیٹھی ہوئی ہے کہ لہسن قلب کے لئے ایک مفید چیز ہے اور اسی لئے برسہا برس امراض قلب کے بچاؤ کے لئے لہسن کا استعمال کیا جا رہا ہے لیکن ایک تازہ ترین تحقیق کے مطابق کولیسٹرول لیول کی کمی میں نہ تو کوئی کردار پیدا کرتا ہے اور نہ ہی یہ قلب کے لئے اتنا مفید ہے جتنا کے ظاہر کیا جاتا ہے ۔ کم و بیش 200 رضا کار افراد کو 6 ماہ تک لہسن سے تیار کردہ غذائیں کھلائی گئیں تو ان میں سے واحد تبدیلی یہ سامنے آئی کہ ان کی سانسوں میں بدبو بس چکی تھی اور ان کے جسموں سے ناگوار مہک اٹھ رہی تھی ۔
کیلی فورنیا کی اسٹین فورڈ یونیورسٹی سے منسلک اسکول آف میڈیسن میں کئے جانے والے اس مشاہدے کے بعد ڈاکٹر کرسٹو فرگار کا موقف ہے کہ اعداد و شمار کے حوالے سے خام لہسن سے تیار کردہ دو سپلیمنٹس کا خراب کولیسٹرول کی کمی میں کسی قسم کا کوئی کردار نہیں ہے جبکہ دیگر اقسام کے کولیسٹرول لیول بھی اس سے متاثر ہوتے دکھائی نہیں دیتے ہیں ۔
لہسن کے بارے مین ایک قدیم خیال یہ ہے کہ اس سے انسانوں کو ٹھنڈ میں مبتلا ہونے سے بچایا جا سکتا ہے جبکہ یہ اندرونی طور پر پیدا شدہ سرطان کے خدشات کو بھی گھٹا سکتا ہے ۔ ماضی میں کئے جانے والی مشاہدات سے یہ پہلو بھی واضح ہوا ہے کہ لہسن کا پودا شریانوں میں چربی کی افزائش کے عمل کو برعکس کر سکتا ہے ۔
ڈاکٹر گارڈنر کے مطابق بعض فوائد سے محرومی یا فقدان کے باوجود جن کا حالیہ مشاہدے مین انکشاف ہوا ہے ، کا یہ مطلب قطعی نہیں ہے کہ لہسن میں چند دوسرے صحت مند انہ فوائد موجود نہیں ہیں ۔ برٹش ہارٹ فاونڈیشن کی جو ڈی او سو لیون کہتی ہیں کہ لہسن کا غذاؤں میں استعمال متوازن خوراک کا اہم حصہ ہے جو کہ کھا نوں کو ورائٹی اور فلیور بھی عطا کرتا ہے جو کہ نمک کا بہترین صحت مندانہ نعمالبدل بھی ہے ۔ لہسن ہمارے یہاں کھانوں کا لازمی جزو ہے جو کہ انسانوں میں قوت مدافت اور حرارت پیدا کرتا ہے ۔ کہتے ہیں کہ قدیم اہرام مصر کی تعمیر میں حصہ لینے والے مزدورں کو بکثرت لہسن کھلایا جاتا تھا جس کے سبب ان کے جسم طاقتور ہو جاتے تھے جبکہ ان کی مدافعت کار اور بھی بڑھ جاتی تھی ۔
دور حاضر میں مختلف امراض نے انسانوں کا جینا دو بھر کر دیا ہے جن میں سے بیشتر کولیٹرول کی زیادتی کا باعث ہوتے ہیں اور لہسن کا استعمال انسانی صحت میں بہتری کے لئے انتہائی مفید سمجھا جاتا ہے ۔
