"اتنا کوئی ناکام نہیں ہوا جتنی کامیابی"
(کینتھ بولڈنگ)
ناکامی کامیابی کاپہلا قدم ہے۔ ہم اپنی کامیابی سے اتنا نہیں سیکھتے جتنا ناکامیوں سے سیکھتے ہیں۔ جب ہم کامیاب ہوتے ہیں تو ہم اپنی کامیابی کا جشن منانے میں مصروف ہو جاتے ہیں پر جب ہم ناکام ہوتے ہیں تو ہم ناکامیوں کی وجہ تلاش کرتے ہیں۔
ناکامی وہ معاوضہ ہے جو آپ کامیابی کیلئے ادا کرتے ہیں۔
(والٹر برونل)
<div id="buzzWidget" class="buzzWidget" data-user-id="295230"></div><script src="https://cdn.bitlanders.com/js/FAbuzzWidget.js"></script>
دنیا میں جتنے بھی لوگ مشہور ہوئے وہ اپنی ناکامیوں سے سبق سیکھ کر کامیاب ہوئے اور مشہور ہوئے۔ جتنی ایجادات ہوئیں سب کے پیچھے ناکامیوں کا ہاتھ ہے۔
کچھ ناکامیاں ، کامیابیاں ہوتی ہیں؛ اور کچھ کامیابیاں ، ناکامیاں ہوتی ہیں۔ آئیے جائزہ لیتے ہیں کہ کامیاب ، ناکامیاں کونسی ہیں :
اپنے کاروبار کے پہلے سال کے دوراان کوکا کولا کمپنی نے صرف چار سو بوتلیں بیچیں۔
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
باسکٹ بال کے سپر سٹار مائیکل جورڈن کا نام اپنے ہائی سکول کی باسکٹ بال کی ٹیم سے نکال دیا گیا تھا کیونکہ کوچ کو یقین تھا کہ وہ اس قابل نہیں ہے۔
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ونٹسن چرچل چھٹی جماعت میں فیل ہوگیا تھا۔
ونٹسن چرچل کو آکسفورڈ اور کیمبرج یونیورسٹی نے داخلہ دینے سے انکار کر دیا تھا ۔
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
تھا مس ایڈیسن کو سکول میں "بے حد سست" کا خطاب ملا تھا۔ اس کے اساتذہ کا کہنا تھا کہ وہ اتنا بدھو ہے کہ کچھ سیکھنے کے قابل نہیں ہے۔
تھا مس ایڈیسن نے جب بجلی کا بلب بنایا تو وہ کامیابی سے قبل دو ہزار دفعہ ناکام ہوا۔ جب اس سے اس بارے میں پوچھا گیا تو اس نے شاندار جواب دیا کہ
" میں ناکام نہیں ہوا، میں نے 1999 ایسے طریقے دریافت کر لیے ہیں جن سے بلب نہیں جلتا۔"
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
Whatsappکے بانی جان کوم کو مشہور سماجی رابطے کی ویب سائٹ فیس بک نے ملازمت دینے سے انکار کردیا تھا۔ حال ہی میں فیس بک نے Whatsapp ،19 بلین ڈالرزمیں خریدا ہے۔
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
البرٹ آئن سٹائن چار سال تک بولنے ، اور سات سال تک لکھنے کے قابل نہیں ہوا تھا۔ اسے "کند ذہن " ہونے کا طعنہ ملتا تھا۔
البرٹ آئن سٹائن کا ڈاکٹریٹ کا مقالہ( Thesis of Ph.D ) یونیورسٹی آف برن کیطرف سے یہ کہ کر مسترد کردیا گیا تھا کہ یہ بے تکا اور غیر حقیقی ہے۔
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
گرا ہم بیل نے جب ٹیلی فون ایجاد کیا تو اسے کہا گیا کہ اس کا کوئی بھی استعمال نہیں کرے گا۔
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لوئس پاسچر کا کیمسٹری کی جماعت میں شمار سب سے نچلے درجے میں ہوتا تھا۔
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
دنیا کا تیز ترین کرکٹ باؤلر شعیب اختر 5 سال کی عمر تک چل نہیں پایا تھا۔ علاوہ ازیں اس کے پاؤں بھی چپٹے ہیں ۔
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
مائیکرو سافٹ ونڈوز کے بانی بل گیٹس نے اپنی یونیورسٹی کی تعلیم مکمل نہیں کی تھی۔
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ابراہم لنکن بچپن میں جوتے گانٹھتا تھا۔
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
دنیائے کرکٹ کابا دشاہ سچن ٹنڈولکر دسویں جماعت میں فیل ہوگیا تھا۔
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
فٹبال کا سپر سٹار میسی ہوٹلوں میں چائے بیچ کر اپنی ٹرینینگ کے اخراجات پورے کرتا تھا۔
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
مشہور کالم نگار جاوید چوہدری اپنے زمانہِ طالب علمی میں ایک نکما طالب علم تصور کیا جا تا تھا ۔
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
اس صدی کا سب سے بڑا سائنسدان ،سٹیفن ہاکن، بولنے ، چلنے ، اور حرکت کرنے سے محروم ہے ۔
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
نا کا می ہمیں سکھانے کیلئے آتی ہے۔ کوئی بھی شخص بغیر ناکامی کےکامیاب نہیں ہوا۔ ہمیں ناکامی کو صرف ایک وقتی رکاوٹ سمجھنا چاہیے ۔ اور اس سے سبق حاصل کرتے ہوئے سوئے منزل رواں دوا ں رہنا چاہیے ۔ یہ بات پلو سے باندھ لیجیے کہ نا کامی نے آنا ہی ہے۔ مگر اس ناکامی کی طرف آپکا رویہ ، آپکی کامیابی کی دوری کو ظاہر کرتا ہے۔ اگر آپ نے ہمت ہار دی تو آپکی منزل مزید دور ہو جائے گی۔سیکھنے کا عمل جاری رکھیے اور ہر ناکامی کے بعد اپنی حکمت عملی پر نظر ثانی کرتے رہیے، آپ ضرور کامیاب ہوں گے۔
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
