میں نے کہا یہ کر لیں تو پھر کیا کریں اس نے کہا کہ اس سے پوچھیں کہ یہ گھر یہ موٹریں وہ کہاں سے لایا ہے اس کے ذرائع آمدن کیا ہے میں نے کہا یہ تو نہیں پوچھا جا سکتا ہے توہین جمہوریت ہے بنیادی انسانی حقوق کی خلاف ورزی ہے اس طرح بینک اکاونٹ دیکھے جا سکتے ہیں سب سے بڑھ کر ایسے تقریر بازوں کے بینک لاکرزکھول کر دیکھےجاسکتے ہیں۔

کروڑوں روپئے کے ہیرے،جواہرات اور نوادرات پڑھے ہوئے ملیں گے،میں نے کہا نہیں ایسا نہیں ہوسکتا یہ لوگ ہمیں ماریں گے اس نے کہا اچھا آپ ایسا کریں کہ 1947 کے سال کومعیار قرار دیں اور پتہ چلائیں کہ کروڑوں اربوں کا مالک یہ شخص اس وقت کیا کر رہا تھا اس کے والد بزرگوار کیا شغل فرماتے تھے میں نے کہا کیا ظلم ڈھاتے ہو کوئی اپنے ماضی کو کریدنے دیتا ہے ۔

ایسی بات پوچھیں تو مار مار کر آپ کا بھر کس نکال دیں گے اس نے کہا پھر کیا کریں ان لوگوں کو آئینہ کون دکھائے گا یہ تو اسی طرح مقلمین اخلاقیات ودیانت بن کر ہمارے سینوں پہ مونگ دلتے رہیں گے ۔