جیسے جیسے موسم رت بدلتا جارہا ہے۔ سردیاں جا رہی ہیں اور آنے والی گرمیاں اپنا اثر لوگوں پر دکھا رہی ہیں۔ اس بدلتے موسم کی وجہ سے ہر ایک پر بیماریوں کا اثر نمودار ہو رھا ہے۔

                               

عام طور پر کھانسی ، زکام ،موسمی بخار اور سب سے بڑ کر گلے کے انفیکشن کی تعداد میں بہت اضافہ ہو رہا ہے۔ اگرچہ یہ سب بہت معمولی امراض لگتے ہیں پر شروع ہی میں انکی احتیاط اور بر وقت علاج نہ کیا جائے تو آپکی صحت کو کافی نقصان پہنچ سکتا ہے۔ آپ ہسپتالوں کا رخ کریں تو آپکو ہر طرف رش ہی رش نظر آئے گی اور زیادہ مریض آپکو ان ہی موسمی امراض میں مبتلا نظر آئیں گے۔            

                                  

آخر ان چھوٹی چھوٹی بیماریوں سے کیسے بچا جائے۔ سب سے پہلے تو اس بات کی ضرورت ہے کہ جوں جوں موسم تبدیل ہو رہا ہے آپ اپنے کھانے پینے میں احتیاط برتیں۔ کوئی بھی چیز کھانے سے پہلے چیک کر لیں کہ کہیں وہ خراب تو نہیں۔ اور سب سے بڑ کر پانی کا معاملے میں احتیاط ضروری ہے۔ اکثر لوگ زرا سی گرمی ہوتے ہی یک دم ٹھنڈا اور برف والا پانی استعمال کرنا شروع کر دیتے ہیں جس سے گلے کی شکایات میں اضافہ ہو جاتا ہے۔ کوشش کریں کہ جس قدر ممکن ہو ابلا ہوا پانی استعمال کریں۔

                                                   

اگر زرا سا بھی طبیعت میں فرق محسوس کریں توفورًا ڈاکٹر سے رجوع کریں تاکہ بروقت اور جڑ سے ہی بیماری کی تشخیص کی جا سکے۔                               

                               مضمون نگا ر                                                  کامل خان