ادرک ایک مشہور سبزی ہے جو گھروں میں کھانا پکانے یا بعض اوقات منفرد اور تیز خوشبو کی وجہ سے مشروبات کو دل پسند بنانے میں کام آتی ہے ادرک کی گانٹھ میں پانی کو جذب کرنے کی صلاحیت پائی جاتی ہے اسلیے سبزی فروش اسے پانی میں ڈبو کر بھاری کردیتے ہیں
ماھرین کے مشاہدات کے مطابق یہ جسم میں گرمی پیدا کرتی ہے اور کھائی ہوئی خوراک کو ہضم کرنے میں مددگارہے اور قبض کو رفع کرتی ہے آنکھوں مین سوزش کی وجہ سے نظر میں کمی کے لیے ادرک کی سلائی ڈال کر آنکھوں میں پھیر جاتی ہے مسلسل خرابی کی وجہ سے معدہ اگر سست پڑ گیا ہو بھوک کم ہو گئی ہو کھانا ہضم کرنے میں دیر لگتی ہو تو اس کے لیے ادرک بہت مفید ہے جو سانس کی بدبو کو دور کر کے منہ کے خراب ذائقے کو درست اور حافظے کی خرابی کو دور کرتی ہے
اطباء قدیم ادرک دمے کے مریضوں کو استعمال کراتے تھے اور اس سے ان کو افاقہ ہوتا حکیم کہتے ہیں کہ سونٹھ کو بکری کے دودھ میں ملا کر سر کے اطراف میں لیپ کرنے سے درد شقیقہ جاتا رہتا ہے سونٹھ کے ساتھ جائفل اور سگندھ کو پیس کر تیل میں ملا کر مالش کرنا جوڑوں کے درد میں بے حد مفید ہے
جدید تحقیق میں یہ بات بھی کہی گئی ہے کہ در حقیقت شفاء کے تمام فوائد جو لہسن سے موسوم کیے جاتے ہیں وہ تمام کے تمام ادرک میں بھی پائے جاتے ہیں اور یہ ایک حقیقت ہے کہ ادرک خون کی نالیوں پر بنی چربی اتار دیتی ہے ۔