اسلام میں ہمارے لئے بہت سی نصعیتیں اور بہت سے پیغامات ہیں جو کہ آج کل کے مسلمان اس بات سے بے خبر ہیں کہ ہمارا اسلام ہمیں کس بات کا درس دیتا ہے بلکہ آج کل کا مسلمان آپ کہے سکتے ہیں کہ صرف نام کا ہی مسلمان رہ گیا ہے کیوں کہ ایک تو آج کل کا مسلمان نماز کی پابندی نہیں کر رہا جو کہ اللہ کا سب سے بڑا حکم ہے اور آج کل کے مسلمان کے پاس اتنا ٹائم نہیں کہ وہ اللہ کے اس فرمان کو پورا کرے۔
اسلام میں ہر چیز کے بارے میں بتایا گیا ہے اور اسلام پر چل کر ہی کامیا بی حاصل ہوتی ہے ورنہ ہر انسان کے لئے اللہ نے درد ناک عذاب کا وعدہ بھی کیا ہے وہ کس صورت میں جب ایک مسلمان اللہ کا حکم نہیں مانے گا اور اللہ کی راہ پر چلنے کے بجائے شیطان کے بتائے ہوئے راستوں پر چلے گا ایسے انسان کو اللہ درد ناک عذاب دینگے اسلام ہمیں اخوت اور بھائی چارے کا درس دیتا ہے اخوت اور بھائی چارہ یہ ہے کہ آپس میں مل چل کر رہنا اور کسی بھی مسلمان بھائی کی مدد کرنا اور کسی کو گالی گلوچ نہ کرنا اور اتفاق سے رہنا ہے اور اگر کسی کو کوئی تکلیف یا بیماری ہو تو اس کی بیمار پرسی کرنا اور اسے کے لیئے دعا کرنا اور اس سے دعا کے لیئے کہنا اور ایک دوسرے کے ساتھ محبت سے رہنا ہی ہمارے مذھب اسلام کا حصہ ہے۔
ہمارے نبیﷺ کا فرمان ہے کہ تم میں سے وہ شخص بہتر ہے جس کی زبان اور ہاتھ سے دوسرا مسلمان محفوظ رہے۔ زبان سے مراد یہ ہے کہ ہماری زبان سے اپنے مسلمان بھائی کے لئے کو ئی بری بات نہ نکلے، اس کی غیبت نہ کی جائے بلکہ ہمیشہ اس کی اچھائی بیان کی جائے اور برائی پر پردہ ڈالا جائے، نہایت یہ خلوص سے اس سے ملا جائے اور ہاتھ سے مراد یہ ہے کہ آپس میں لڑائی جھگڑا نہ کیا جائے یہی اسلام ہے اور یہی دین بھی کیوں کہ جب آپ کسی کے بارے میں برا نہیں سوچینگے تو کوئی دوسرا بھی آپ کے بارے میں کبھی بُرا نہیں سوچے گا اس سے باہمی تعلقات اور آپس میں محبت اور بھا ئی چارہ بڑھیگا۔