چین میں یورپ
لیوڑانگ یو چین کے ایک نو دولتیے کثیر سرمایہ اپنے نرالے شوق کی تسکین کے لئے صرف کر رہے ہیں وہ چین کے شہرچونگ کنگ میں یورپی قلعوں کی نقل تیار کرنے کے لئے لاکھوں ڈالر خرچ کر رہے ہیں لیو کے پاس یورپ کے قلعوں کی ایک البم ہے جو وہ ہمیشہ اپنے ساتھ رکھتے ہیں اور اس میں شامل تصویروں کے نمونے پر قلعے تیار کرواتے ہیں اس سلسلے میں وہ اپنی منفرد تعمیر اور شاہی خاندان کی پسندیدگی کے باعث مشہور برک شائر برطانیہ کے شاہی علاقے ونڈوسور کی نقل تیار کروا چکے ہیں اس کے علاوہ لیو،ڈزنی موویز کی کارٹون سیریز "آلہ دین" میں دکھائے گئے محل کی نقل بھی تعمیرکرنے پر لاکھوں ڈالر صرف کر چکے ہیں۔
لیو کا کہنا ہے میں جب بچپن میں شہزادوں اور ان قلعوں اور محلوں کی کہانیاں سنتا تھا اس وقت سے میرا یہ خواب تھا کہ میں انہیں حقیقت کا روپ دوں گا۔لیو ابھی تک چھ قلعے اور محلات تیار کرواچکے ہیں انہیں مقامی انتظامیہ اور چینی حکومت کی جانب سے مخالفت کا سامنا ہے لیکن وہ اپنے شوق کی تکمیل کے لئے کچھ بھی کرنے کے لئے تیار ہیں ان کا منصوبہ ہے کہ وہ ایسے سو قلعے تیار کروائیں وہ کہتے ہیں میں ایسی عمارتیں بنوانا چاہتا ہوں جو دیکھنے والوں کو حیرت زدہ کردیں لیکن مجھے مقامی انتظامیہ کی جانب سے دھمکیوں کا بھی سامنا ہے اب دیکھئے میں سنچری کرنے میں کامیاب ہوتا ہوں کہ نہیں۔