ا حبك ربي مش بس كلمه ممكن الانسان يقولها وهو راضي او مبسوط , احبك ربي كلمه ليها معاني كتير بتكون جوانا (رضا- فرح –حب – سعاده –ثقه بالله ) كل المعاني دي بتتجمع وبتطلع في كلمه احبك ربي .

احبك ربي  بتظهر بردو في الابتلاء وانك ازاي تكون واثق في ربنا ومش هامك اي حاجه عارف ان ربنا جمبك وهو سبحانه الي حطك في الموقف دا عشان يختبرك ، عشان هو بيحبك ، عشان يقولك اعتمد عليا انا جمبك ، وقتها بتكون الثقه بالله هي مفتاح النجاه بتكمل وان عارف ان كل حاجه بايد ربنا وان اي حاجه وحشه ان شايفها هي اكيد جواها خير كتير .فالله سبحانه وتعالي "يبتليك ليهذبك لا ليعذبك :)

احبك ربي بتكون في الخير لما تلاقي ابواب فتحت كتير حواليك

وانت مش مصدق ان كل الخير دابقا ليك

بتلاقي حاجات كتير اتحققت من الي كان نفسك فيها

، امور كتير في حياتك اتغيرت عمرك ما كنت تحلم بيها ،

وبتلاقي بردو دموع كتير في عينك مش عارف تخبيها .

وليه تخبيها

انزل واسجد شكر لرب العالمين علي كل حاجه حصلتلك

وانت  عارف انك ماكنتش السبب فيها .

وقول مع كل يوم جديد احبك ربي

ومش بس احبك ربي كلمه تقولها بلسانك .

لا احبك ربي وانت حاسس بكل معانيها

معني الرضا الي فيها

، معني السعاده الي مش بيكون غير بيها

وخد عهد مع ربك

انك عمرك ما هتزعل علي حاجه مش عاجباك انت اتحطيت فيها

ولا عمرك هتقول ليه كدا يا رب مش دي الي انا قولت عليها .

واحمد ربنا علي كل حاجه وخلي عندك ثقه بالله

وكن بالله  ذا ثقه تاتيك الاحلام مشرقه :)