گوگل کے سرچ انجن سائٹ پر ایک نئے ٹول کا اضافہ کیا گیا ہے جس کی مدد سے استعمال کنندگان مختلف غذائوں کا باہمی تقابل کرسکیں گے۔ اسی کے ساتھ انہیں ان غذائوں میں موجود غذائیت بخش اجزا کی مقدار اور دیگر معلومات بھی مل جائیں گی۔

یہ ٹول اس طرح ڈیزائن کیا گیا ہے کہ اگر استعمال کنندہ کسی دو غذائوں کے نام ٹائپ کرے گا اور ان کے درمیان مقابلہ لکھ دے تو ان کے سامنے ایک چارٹ کھل جائے گا جس میں پہلو بہ پہلو ان دونوں غذائوں کے اجزا کا تقابل کیا گیا ہوگا۔

اس ٹول کے ذریعے مختلف تیار غذائوں کے بارے میں یہ بھی بتایا جاتا ہے کہ انہیں کس طرح تیار کیا گیا ہے اور ان میں کیا کیا چیزیں شامل کی گئی ہیں۔ مثال کے طور پر اگر آپ ‘‘شکر قند کا بھرتا بمقابلہ آلو کا بھرتا’’ ٹائپ کریں تو یہ سائٹ آپ کو دکھائے گی کہ فی 100 گرام شکر میں 4.2 شکر ہوتی ہے

 

جبکہ اتنی ہی مقدار میں آلو کے بھرتے میں شکر کی مقدار 0.5 گرام ہوتی ہے اسی طرح اگر فہرست کو نیچے تک دیکھیں تو اس میں پوٹاشیم، کیلشیم اور وٹامن اے کی مقدار کے لحاظ سے شکر قند کا بھرتا آلو کے بھرتے پر کہیں زیادہ حادی ہے۔ یعنی شکر قند میں آلو کی نسبت زیادہ غذائیتیں ہوتی ہیں۔