لفظ جہاد "جہد" سے حاصل کیا گیا ہے جس کے معنی ہیں "جدوجہد" کرنا، اور یہ اسلام کا چھٹا اہم جزو ہے- جہاد امن قائم کرنے کے لئے یا کسی بھی قسم کی جدوجہد کرنے کو کہا جا سکتا ہے- دوسری طرف لفظ "دہشت گردی" دہشت سے ماخوذ ہے- انگریزی آکسفورڈ ڈکشنری وسیع معنوں میں خوف پیدا کرنے کے لئے کے طور پر لفظ "دہشت گردی" کی وضاحت کرتا ہے. دہشت گردی ایسی صورت حال بنانے کا نام ہے جس میں لوگوں کے اندر ڈر اور خوف پیدا کیا جا سکے- تو جہاد اور دہشت گردی میں اتنا ہی فرق ہے جتنا کہ زمین اور آسمان میں ہے

یہ نہایت افسوسناک بات ہے کہ مغربی الیکٹرانک میڈیا اور پرنٹ میڈیا جہاد کو دہشت گردی کے ساتھ جوڑتے ہیں- ان کی نظر میں جہاد صرف ذبح کرنے اور کوئی عمارت اڑا دینے کا نام ہے- لیکن اسلام میں اس چیز کو دہشت گردی کہا جاتا ہے نہ کہ جہاد- اسلام جو کہ ایک امن کا مذہب ہے وہ کیسے اس قسم کا سبق دے سکتا ہے جو پوری طرح سے اس کے معنی سے ہٹ کر ہے- یہ سب مغربی پروپیگنڈا صرف ان کی غلطیوں کو چھپانے اور اسلام کے خلاف ان کی نفرت کو چھپانے کے لئے ہے- مغرب کی نفرت کی ایک بڑی مثال 1857 کی "آزادی کی تحریک" ہے، جسے انہوں نے بغاوت کا نام دیا
یہ سب پر واضح ہونا چاہئے کہ مغرب اپنے مفادات کے مطابق کسی بھی اصطلاح کی وضاحت کرتا ہے، جو چیز ان کے لئے اچھی ہے اور جس میں ان کا مفاد شامل ہے وہ ٹھیک ہے، لیکن جس میں ان کا مفاد شامل نہیں وہ چیز ان کی نظر میں غلط اور دہشت گردی ہے
اسلام امن کا مذہب ہے، پوری دنیا میں امن لانے کا- ہمارے مذہب میں، اصطلاح جہاد کو بہت وسیع معنوں میں استعمال کیا جاتا ہے،جہاد برائی کے خلاف، اپنی حفاظت سے لے کر بیماریوں کے خلاف لڑنے تک کو جہاد کہا جاتا ہے-   لیکن اس کے برعکس بین الاقوامی میڈیا دہشت گردی کو جہاد کے ساتھ جوڑ رہا ہے

 کیا بین الاقوامی میڈیا کو کشمیر میں دہشت گردی نظر نہیں آتی ؟
کیا بوسنیا، فلسطین ، افغانستان میں دہشت گردی نظر نہیں آتی ؟
کیا انڈین گجرات میں دہشت گردی نظر نہیں آتی جہاں انسانوں کو بھیڑ بکریوں کی طرح کاٹا اور ذبح کیا گیا ؟
اور اگر کوئی مسلمان اپنی حفاظت کرتا ہے برائی سے یا اپنی اور اپنے خاندان کو تحفظ دیتا ہے یہ بین الاقوامی میڈیا کی نظر میں دہشت گردی ہے