برسات کے موسم میں چیزیں کی حفاظت حصہ اول
برسات کے موسم میں اکثر ایسا ہوتا ہے کہ کھانے پینے والی چیزوں میں کیڑے پڑ جاتے ہیں یا فنگس لگ جاتی ہے جن سے ہمیں بہت مقدار میں چیزیں ضائع کرنی پڑ جاتی ہیں اگر ہم ان کی مناسن طریقے سے دیکھ بھال کریں یعنی موسم کے لخاظ سے دیکھ بھال کریں تو انہیں فنگس یا کیڑے مکوڑوں سے بچایا جا سکتا ہے اور جب یہ کیڑوں مکوڑوں سے پاک رہیں گی تو اچھے سے استعمال بھی ہوں گی اور پیسوں کا ضیا بھی نہیں ہو گا
۔
اکثر دیکھا گیا ہے کہ برسات کے موسم میں چاولوں ۔دالوں اور آٹے میں کیڑے پڑ جاتے ہیں اس لیے ان کی دیکھ بھال کے لیے اکثر لوگ ان میں پودینہ سوکھا کر یا لونگ رکھتے ہیں اس سے ان میں کیڑے نہیں پڑتے اور یہ ضائع ہونے سے بچ جاتے ہیں کوشش کریں کہ آٹے کو پانی سے بچائیں تا کہ یہ نمی سے خراب نہ ہو اور اس کو خشک برتن میں رکھیں اور کوشش کریں کہ برسات کے موسم میں آٹا تھوڑی مقدار میں بازار سے خریدیں اور جلدی جلدی استعمال کریں تا کہ آٹا نمی سے خراب نہ ہو اور اس میں کیڑے بھی نہ پڑئیں۔
برسات کے موسم میں ایسی کھانے پینے والی چیزوں سے پرہیز کریں جن سے ہیضہ یا پیٹ کی بیماریوں کا خدشہ ہوتا ہے اس لیے سرکہ یا لیموں اپنے کھانے کی چیزوں میں استعمال کریں اس سے ہیضہ ہونے کا خطرہ نہیں ہوتا۔
اکثر لوگوں نے گھروں میں پتل کے برتن یا گلدان رکھے ہوتے ہیں برسات کے موسم میں وہ کالے پڑ جاتے ہیں یا یہ اپنا رنگ بدل لیتے ہیں ان کو صاف کرنے کے لیے یا اپنے رنگ میں واپس لانے کے لیے لیموں کا پانی یا سرکہ سے صاف کرنے سے یہ اپنی اصلی حالت میں آ جاتے ہیں یعنی ان کی اپنی اصلی شکل واپس آ جاتی ہے۔