بنت مصريه

Posted on at


يعني ايه اكون بنت مصريه ؟؟؟ ....... سؤال بسيط اوي خمس كلمات بس ، لكن الاجابه عليه محتاجه كتب كبيره اوي علشان نقدر نوفي بس حق الرد .. مش مجرد مقال ومع ان الكلام كتير اوي في الموضوع ده واللي اتكلموا فيه اكتر بس مفيش فيه اي تغيير الوضع هوه هوه مهما ننادي ونرفض اللي بيحصل فينا المجتمع بيعمل نفسه مش شايفين ولا سمعنا خالص وده ليه علشان عادات وتقاليد .. او خلينا نقول علشان هوه عاوز كدا هوه عاوز ستاره يرمي وراها كل اخطاءه علشان محدش يرجع يلوم ولا يتكلم اصلا في حقوقنا .

وكل بساطه ممكن نعرض حياه المراه من يوم ما تري نور هذه الدنيا في هذا المجتمع ... اولا كطفله مش مسموح ليها حاجات كتيره اوي زي مثلا مش مسموح ليها تلعب كتير مع الاطفال الولاد علشان ده غلط ، و كمان علشان مش تتعلم منهم افعالهم وحركاته وكلامهم . مع ان ده غلط جدا كلهم في الاول والاخر اطفال ولازم يعرفوا بعض من الصغر علشان لما يكبروا مش يبقي كل واحد عنده رغبه غير طبيعيه في معرفه الجنس الاخر بالشكل الذي نراه الان في مصر .. اما بالنسبه لتصرفات الاولاد وحركاتهم فاحنا اللي بنعلمهم الحركات والتصرفات دي مع اننا واثقين انها حرام ومش غلط بس بنفرح اوي لما نلاقي الولاد بيشتموا بالفاظ حرام جدا بس عادي بدامه ولد يبقي عادي جدا وتسقط كل اسس دينيا وكمان بالمره تسقط العادات والتقاليد ...

ولما نكبر شويه بقي يبدا الخوف . اصل دي بنكون فتره المراهقه ، الفتره اللي بيبدا يظهر فيها البنت كانثي واللي بتبدا تحس من جواها يعني ايه مشاعر ويبدا مرحله الاعجاب عندها نحو اي ولد سواء شكله حلو او شخصيته حلوه ، فيبدا بقي الاهل يقضون تماما عن البنت في هذه المرحله بدون متعمل شئ بس " الحذر واجب برضو " لازم ياخدوا كل احتياطتهم علشان البنت مش تبص لبره بدون ما يتكلموا معاها في اي حاجه اصله عيب يفهموا الحااجات دي بس الصح انهم يقضوا علي مشاعرها وعلي الحاجات الحلوه اللي بتتكون جواها . اما بالنسبه للولد يعمل كل حاجه هوه عاوزها عادي مهو بيتعلم وبيفهم برضو الدنيا ماشيه ازاي ..

ودي مرحله بتنهي في حياه البنت ومش بتقدر تتعلم فيها اي حاجه واهلها بيحطوا جواها ان ده الصح لازم تكوني بعيده تماما عن اي حاجه غلط سواء ولاد ولا اصدقاء مش كويسين وتجي بقي البنت تتدخل الجامعه تكتشف بحياه تانيه خالص تشوف جروبات بنات وولاد عادي جدا وتشوفوا ناس متصحبين وناس مرتبطين والحياه عاديه جدا وتبدا تسال بقي اشمعن انا عشت الحياه دي وتبدا تعترض علي كل حاجه اهلها ربوها عليها سواء لبسها مواعيدها صحابها وتبدا تختلط وتعيش حياتها وتتعرف علي ولاد من كل مكان وتبدا تتعرف علي الحلو والوحش وتشوف وتقرر وهنا بقي نلاقي بنات فعلا بتتعلم وبتتعلم صح اوي وبنات">ar.wikipedia.org/wiki/%D8%A7%D9%85%D8%B1%D8%A3%D8%A9">بنات تانيه من كتر ما هي بعيده جدا عن الحاجات دي مش فاهمه اي حاجه وممكن اي حد يضحك عليها ويرسملها الحياه وردي وتصحي تلاقيها سوده اوي وده كله يرجع بسب خبراتها في الحياه وساعتها هتبدا تكره حياتها كلها من قبل ما تتبدا اصلا . 

انا مش بقول اننا المفروض نصاحب ونختلط لان ده حرام والاختلاط في الاسلام طبعا حرام بس علي الاقل يبقي لينا علاقه بالطرف الاخر نتكلم معاه واهلنا يفهمونا الحياه تبقي ازاي ويبطلوا بقي كلمه عيب وغلط علشان دول بس اللي بيقولهم الجهلاء .. نفسي نفوق ونربي بنتاتنا صح ونعرفهم علي كل حاجه ونبطل كلمه غلط دي لابد ونبص بس لكلمه حرام علشان دي اللي هتربيتنا صح ونبطل دوس علي البنت مهما كانت افكارها وحياتها واللي هتخلق فعلا اجيال تفيد نفسها وتفيد بلدها ...

 

 

 


About the author

ghada-meshref

طالبه بقسم الصحافه بكليه الاعلام جامعه القاهره .....

Subscribe 562
160