بنبكي علي حاجات ضاعت من ايدينا ونقول احنا السبب وياريتنا مكنا عملنا كده وكده فكرنا اوي قبل ما نعمل ده ، وناسين خالص ان في حاجه اسمها النصيب ، وان ربنا لما بيعبد عننا اي حاجه بيكون كاتبلنا الخير وربنا عمره ما ادي حد حاجه وحشه ، حتي لما بيبتليه بيكون قصده يعطيه موعظه في هذه الحياه ويعلمه بجد علشان يستفيد ومش يكرر الخطأ.
علشان كدا بجد بتضايق لما بسمع حد بيقول ياريتني مكنت عملت كدا ، ولو مكنتش عملت كدا ،ده كله مكنشي هيحصل ، مفيش حاجه اسمها كدا لازم نكون مؤمنين جدا بقضاء ربنا وان ده نصيبنا ، وان ده هوه الصح لينا علشان اكيد احنا منعرفشي اللي كان في دماغنا كان هيودينا فين ولا عارفين اضراره ، علشان كده دايما اؤمن بنصيب ربنا ولا تعترض .
يمكن اكون عرضت الفكره اللي انا عاوزه اوصلها في الكلام اللي فوق ، واكتفي بهذا القدر واقول في النهايه لازم نسبها علي ربنا ونرضي بنصيبنا ونعلم جيدا ان الله لا يختار لنا اشياء موجعه .
ولكني فعلا عاوزه اعرض هدف تاني متعلق بموضوع النصيب ده ، وهوه موضوع الارتباط والجواز اي الحب بمعني اشمل ، فكثير في هذه الايام يحبون بعض جدا وحتي لحظه معينه نجد ان شخص قرر الرحيل ، ولا يحب ان يعرض الاسباب كل ما يقوله ان الرحيل افضل وان الله سيرزق كل منهما بالاحسن ، فعلا هوه محق فسؤاء فعل الولد هذا فهوه محق فسوف يتكرها لرجل يحافظ عليها ويصونها وعلي الاقل سيكون ارجل منه .
ولو فعلت الفتاه هكذا فهي رحمت الولد من غدرها وخيانتها بعد الزواج ، لذا لما نندم علي فراق احد ، لاننا حقا بعاد عن التفكير المنطقي ، بعاد عن الله ،لو آمنا منذ صغرنا ان فراق احد هوه الصواب وان الله سيعيطينا شخص او شئ افضل منه بكثير لما حزنا ابدا علي فراق احد ، لان الاشخاص في النهايه سيرحلون سيراحلون سواء بالفراق او الموت سيرحلون ...
اما لو افترق اتنين يحبون بعضهم وكانوا يريدون الحلال ولكن الظروف ، يجب عليهم ان يؤمنوا ان هذا هوه الافضل ،فربما لو كانوا اكملوا حياتهم معا كانوا كرهوا بعض او لم يعرفوا ان يربيوا اولادهم ، اكيد مكنوش هيفضلوا يحبوا بعض فالبعد احسن ، علي الاقل هيفضلوا فاكرين ذكري حلوه لبعض...
بجد بلاش نندم علي قرار متعلق بالنصيب ، ارفع ايدك الي السما وادعي ربنا يرزقك باحسن من اللي راح ، ودايما اللي بيجي من ربنا سؤاء فيه وجع ليك او فرح ليك بيكون فيه فايده كبيره ، الاولي علي الاقل هنتعلم ونستفاد بجد ، والتانيه هتدفعنا لقدام ، بس انت ادعي ربك واتقرب منه وهوه هيرزقك من حيث لا تدري .
