٭قرآن پاک9 سال9 ماہ 9دن مدینہ میں نازل ہوا ،12سال8 ماہ 5دن مکہ میں نازل ہوا ……تو کل مدت22 سال5 ماہ 14دن ہوئی ۔
٭قرآن پاک کا اکثر حصہ رات کو نازل ہوا۔
٭مصحف عثمانی5 سال(25ہجری تا 30ہجری )میں مکمل ہوا ……اور……سواطع الھام قرآن پاک کی وہ تفسیر ہے جس میں کوئی لفظ ایسا نہیں جس پر نقطہ ہو یہ تفسیر شیخ فیضی نے لکھی ہے ۔
٭قرآن پاک کی وہ تفسیر جس کے ہر لفظ پر نقطہ ہے ,,جب شغب ،، ہے۔
٭ قرآن پاک کے دوجملے جن کے حروف الٹا پڑھنے سے بھی وہ ہی جملے بن جاتے ہیں ۔ 1……کل فی فلک ،2 ……ربک فکبر
٭قرآن پاک میں حضرت محمدﷺ کو نبی کے نام سے 23مرتبہ پکارہ گیا ہے۔
٭قرآن پاک میں6فرشتوں کے نام آئے ہیں۔ ( ہاروت ، ما ر و ت ،جبرائیل، میکائیل ،رعد،مالک)
٭قرآن پاک میں چند مومنین کے نام آئے ہیں۔(عمران،لقمان،ذوالقرنین،تبع،طالوت)
٭قرآن میں چند جگہوں کے نام آئے ہیں ۔(بکہ، مصر،بابل، طورسینا،ا حقاف، طویٰ،یثرب، روم،مدین)
٭قرآن پاک میں چند قبیلوں اور قوموں کے نام آئے ہیں۔(عاد، ثمود، مدین، قریش ، یاجوج ماجوج )
٭قرآن پاک میں دو دنوں کے نام آئے ہیں ۔(جمعہ ،ہفتہ السبت)
٭قرآن پاک میں صرف دو بندوں کی کنیت ذکر ہے۔ابن مریم،ابی لھب۔
٭قرآن پاک میں7کافروں کے نام آئے ہیں۔(فرعون،ہامان،قارون،جالوت،آزر،سامری،ابو لہب)
٭قرآن پاک میں شیطان کا نام ابلیس11 مرتبہ آیا ہے۔
٭قرآن پاک میں حضرت موسٰی ؑ کا ذکر40 مرتبہ آیا ہے ۔
٭قرآن پاک میں لفظ سورۃ 7مرتبہ آیا ہے۔
٭قرآن پاک میں لفظ قارون 4مرتبہ آیا ہے ۔
٭قرآن پاک نے صرف 2خواتین کی پاکدامنی کی تصدیق کی ۔ ( حضرت عائشہؓ اور حضرت مریمؑ)
٭قرآن پاک میں اﷲ پاک نے صرف ایک انسان (نبیﷺ ) کی زندگی کی قسم کھائی ۔
٭قرآن پاک میں صرف ایک جگہ لفظ اﷲ ڈبل آیا ہے (سو رۃ انعام پارہ نمبر8،آیت نمبر 24)اس جگہ دعا بھی قبول ہوتی ہے۔
٭قرآن پاک میں صرف ایک عورت حضرت مریم ؑ کا نام 32مرتبہ آیا ہے ۔
٭قرآن پاک میں لفظ اﷲ اکبرنہیں ہے۔
٭سورۃقمر ، سورۃ رحمٰن ، سورۃ واقعہ تینوں میں لفظ اﷲ نہیں ہے۔
٭قرآن پاک کی وہ سورت جو مدینہ میں سب سے پہلے نازل ہوئی سورہ رحمٰن ہے۔
٭قرآن پاک کی 3 سورتیں یاا یھاا لنبی سے شروع ہوتی ہیں۔1 ……احزاب ، 2……طلاق ، 3……تحریم
٭قرآن پاک کی 5سورتیں قل سے شروع ہوتی ہیں ۔
٭ قرآن پاک کی6 سورتیں الم سے شروع ہوتی ہیں ۔
٭ قرآن پاک کی6 سورتیں الر سے شروع ہوتی ہیں ۔
٭ قرآن پاک کی 7سورتیں حم سے شروع ہوتی ہیں ۔
٭ قرآن پاک کی29سورتیں حرو ف مقطعات سے شروع ہوتی ہیں ۔
٭قرآن پاک کی صرف 3سورتوں میں تین تین آیتیں ہیں ۔
٭حضرت آدم ؑ کا تذکرہ قرآن پاک کی 9سورتوں میں 25مرتبہ آیا ہے(بقرہ، مائدہ ،عمران ، اعراف ، اسرا ، کہف ، مریم ، طہٰ ، یٰس)
٭قرآن پاک کی سب سے چھوٹی آیت حم ہے۔
٭قرآن پاک میں سب سے زیادہ الف استعمال ہوا ہے اور سب سے کم ظ استعمال ہوا ہے۔
٭قرآن پاک کے پارہ نمبر15کی پہلی آیت کے آخر میں الف نہیں اور باقی تمام آیتوں کے آخر میں الف ہے۔