پہلے حصے میں موجود ان تمام باتوں کو مدنظر رکھتے ہوئے گوگل نے حال ہی میں ایک ایسا آلہ متعارف کرایا ہے جس جس کے ذریعے ورچوئل ریالٹی کو سستا اور استعمال میں آسان بنایا جاسکتا ہے۔ اس آلے کو ‘‘ گوگل کارڈ بورڈ ’’ کا نام دیا گیا ہے۔
اس آلے کے ذریعے جو آئیڈیا پیش کیا گیا ہے امید ہے کہ وہ کامیاب ہوگا۔ کیونکہ آج کل زیادہ تر لوگوں کے پاس اس سے مطابقت رکھنے والے اسمارٹ فونز موجود ہیں۔ اس کا مطلب یہ کہ اب صرف دس ڈالرز کے خرچ سے ورچوئل ریالٹی کا لطف اٹھا سکتے ہیں۔
اس برس کے آغاز پر کانفرنس میں ‘‘ گوگل کارڈ بورڈ ’’ متعارف کرایا گیا تھا۔ اس کے بعد سے گوگل نے منصوبہ بنایا کہ ‘‘ گوگل کارڈ بورڈ ’’ کے ڈیزائن کو انٹرنیٹ پر اپ لوڈ کردیا جائے تاکہ کوئی بھی اسے ڈائون لوڈ کرکے اپنے اسمارٹ فون کے ذریعے ورچوئل ریالٹی ہیڈ سیٹ بنالے۔
اسے بنانے کے لئے ایک کٹ بھی متعارف کرائی جارہی ہے۔ جس کے ذریعے بہت کم قیمت میں ورچوئل ریالٹی ہیڈ سیٹ تیار کیا جاسکے گا۔ اس ہیڈ سیٹ میں اسمارٹ فون نصب ہوجائے گا اور یہ ایک الیکٹرانک دور بین کی طرح کا آلہ بن جائے گا۔
