آج کےاس دور میں مہنگائی میں روز بروز اضافہ ہو رہا ہے اس کا اثر عام آدمی کی زندگی پر بہت زیادہ ہو رہا ہے غریب آدمی غریب سے غریب تر ہو رہا ہے غربت میں بھی اضافہ بڑھتا جا رہا ہے جس کی وجہ سے جرائم جنم لے رہے ہیں نوجوان نسل جرائم کا حصہ بنتی جا رہی ہے عدم تحفظ کا فقدان بڑھتا جا رہا ہے حکمران خاموش آنکھیں بند کیے بیٹھیں ہیں انھیں معلوم نہیں کہ ایک عام آدمی کے گھر کا خرچہ کیسے چلتا ہےیہ باعث تشویش ہے
بجلی گیس پٹرول کے آئے دن ریٹ بڑھتے جا رہے ہیں غریب آدمی کیا کھائے گا کیا بچائے گا پورا مہینہ بل بھرتے گزر جاتا ہے حکمران اپنی جیبیں بھرنے میں مصروف ہیں انھیں کیا احساس عام آدمی کا۔ بجلی اور پٹرول کے ریٹ بڑھنے سے کھانے پینے کی اشیاء اور دیگر کھانے پینے کی چیزوں کے ریٹ بڑھ جاتے ہیں۔ جنہیں کوئی کنٹرول کرنے والا نہیں ہے راتوں کو چوروں ڈاکووں کا راج ہوتا ہے اس مہنگائی سے بڑھنے والے جرائم کو کون روکے گا
آمدنی کم اور اخراجات زیادہ ہیں غریب گھرانوں میں اکثر لڑکیوں کی شادی میں رکاوٹ کی وجہ بڑھتی ہوئی مہنگائی ہے سونا اتنا مہنگا ہو گیا ہے کہ غریب آدمی کی پہنچ سے بہت دور جا چکا ہے آج کل شادی بیاہ اتنا مشکل ہو گیا ہے عام آدمی تو کیا امیر آدمی بھی پریشان ہے مہنگائی کی وجہ سے گھر کے تمام افراد بھی مل کر کمائیں تو بھی گھر کا خرچہ پورا نہیں ہوتا سکولوں اور کالجوں کی فیسیں اتنی زیادہ ہیں جس کی وجہ سے غریب لوگ اپنے بچوں کو اعلیٰ تعلیم بھی نہیں دلوا سکتے
اللہ تعالیٰ ہم سب کی پریشانیاں دور کرے آمین
