دربیع الاول دمیاشتی دولسمه نیټه داسلام په تاریخ کی یوه ځلانده اوپیژندل شوی ورځ دی ځکه په دی ورځ په نړۍ کی یو نوی تحول منځ ته راغی په دی ورځ لوی څښتن تعالی نړی ته داسی یو بشر راولیږه چی دظلم اوظالم کاسه یی چپه کړه
دربیع الاول دولسمه په ټوله اسلامي نړی کی رخصت وي پدغه ورځ دنړی مسلمانان ستری ستری غونډی جوړوي اودخپل ګران پیغمبر رسول اکرم ص دزوکړی ورځ لمانځي
پدغه ورځ خدای ج انسانانو ته داسی یوه ډالۍ ورکړه چی انسانانو سره دهغی دمننی او ځواب معادل نشته دغه ستر بشر دنړی زوړ او پرسوده مخ وربدل کړ اونړۍ ته یی یونوی رنګ ورکړ دظلم په مقابل کی له مظلومانو دفاع وکړه
څه دباندی څوارلس پیړی وړاند د ۵۷۱میلادی کال دنړی ستر لارښود حضرت محمد مصطفی ص دغی نړی ته سترګی ونړولی هغه ستر انسان چی دلوی خدای ج له خوا درسالت ستره دنده وروسپارل شوه
رسول اکرم ص دغه سپارل شوی دنده په پوره امانتداری ،زغم ،حوصلی اوقوت سره سرته ورسوله او هیڅ ستړیا پکی حس نکړه دغه ستر لارښود هغه تیاری چی په نړی کی موجودی وی داسلام په رڼا سره روښانه کړی
دغه ستر شخصیت نړی ته داسی قوانین چی دخدای ج له لوري ورته رالیږل شوي وه وروپیژندل چی دژوند ټولی برخی پکی رانغښتی دي دغو قوانینو انسانانو ته یو جامع او هراړخیز نظام جوړکړ
دغه قوانین دیوه کتاب په شکل چی قران پاک بلل کیږی مسلمانانو ته په میراث پریښودل چی دانسانانودژوند ټولی برخی سیاسي ،اجتماعی، اقتصادي پکی رانغښتی دي
لیکوال :عبدالرحمن الکوزی