لماذا بعد ثورة 25 عموما والان خصوصا ننشغل بعالم السياسة انشغال كبير سواء بالتنظير او المشاركة او بالاهتمام وهذا الإنشغال لم يكن ينصب فى فائدة تذكر ولكنه اودعنا الى حالة مزرية فى جميع الجوانب لاننا نسينا ان اصلاح حياة الناس هى الهدف الاصيل للسياسة ونحن الان منشغلين بهذا االعالم ونسينا عالم اخر لايهمه كلامنا بشكل كبير بقدر ما يهمه بشكل اكبر لقمة العيش او غطا فى البرد او سقف فى المطرة
واللى ده من المفترض ان ده هو هدف الثورة الاساسى واللى كلنا نسبناه كلنا ديه اقصد بيها (انا , انت , الحكومات المتتالية , الاحزاب , كلل الناس نسيت اللمواطن الفقير اللى فعلا وصل الى حالة صعبة جدااا من صعوبة الحال وهو
دائم السماع لكلامنا وساعات كان بيصدق الكلام ده وساعات كان بيكدبه بس اللى متاكد منه انه وهو سامع الكلام د بيقول انا مش عايز كلام اكتر من انى عايز انى اكل واشرب ولما اخرج وسطكم الاقى هدمه نضيفة اللبسها
واوعى حد وانا بتكلم يقول ياعم الحكاية نقصاك ؟؟؟؟ده الواحد بيلاقى لقمة العيش بالعافية , اوقولك صديقى انت ممكن تلاقى لقمة عيشك دهيه فى اليوم بس والله والله فى حد ممكن ميلاقيش اللقمة ديه دلوقتى
واحنا ازاى ممكن نبقى مجتمع قو ى واحنا بنفكر بالمعنى الفردى ده ازاى هنقف ضد اى فكرة سيئة او مدمرة واحنا اصلا مش حاسين ببعض عمرنا ما هنبقى واحد ضد اى حاجة غير لما نحس ببعض غير لما اكون معايا رغيف
اقصمه معاك ,غير لما اكون متاكد إنى وانا بساعدك النهارده ان ربنا عز وجل هيساعدنى بكرة وانه اقسم ان الرزق موجود وقدر خلاص ونبيه محمد صلى عليه وسلم قال فيما معناه ان والله لا يؤمن وكررها صلى الله عليه وسلم من بات شبعان وجاره بجواره جائع
اللى مش بيؤمن بالمعانى ديه بشكل فطرى هيحرص جدااا على وقته وجهده وماله وهيبخل عليه باى حد حتى اقرب الناس ليه ومش عارف ده صح ولا غلط ان ده هو سبب النسبة العجيبة ديه ان عدد المتطوعين فى احدى
الجمعيات الخيرية المصرية كان سنة 2012 عددهم كان 1100متطوع وبعد سنة فى 2013 اصبح عددهم !!!550 ايوة النصف بالظبط ليه بقينا حارصين على وقتنا وجهدنا بالشكل ده واكيد ده ممكن نربطه بكل سهولة بكل ضيق او خطر ممكن نحس بيه فى حايتنا فهو انذار اننا فعلا لازم نتغير ونبقى اكثر حرص على بعضنا وحاسيين ببعض
لكن على الناحية الاخرى هنجد ازاى ان فيه مؤسسات فى مصر اللى هى الجمعيات حاولت الفترة اللى فاتت تعمل ما فى وسعها عشان تنقذ عالم المواطن البسيط ومن غير اى مصلحة فى مساعدته هذه واللى بصفة مستمرة بتحتاج
متطوعين بشكل مستمر لكن بالتاكيد مافيش استجابة او بتكون ضعيفة للغاية ارجوك لو عايز ان الوضع فى بلدنا يتحسن وفى حياتنا وفى عيشتنا لبى النداء لبى الاستغاثة ديه وروح لاقرب فرع ليك من الجمعيات وقولهم انتوا محتاجين حاجة منى ساعتها بس للما كل واحد يعمل كده هنشوف مصر اجمل بلد فى الدنيا بينا احنا الشعب وبس .تطوعوا يرحمكم الله