ایک حالیہ تحقیق نے اس بات کا انکشاف کیا ہے کہ مردوں کے مقابلے میں ایسی خواتین کی تعداد دوگنی ہے جو کہ بےخوابی کے مرض میں مبتلا ہیں البتہ تعلیم یافتہ خواتین میں اس کے امکانات قدرے کم ہیں جو کہ اطمنان سے سو سکتی ہیں۔
تائیوان میں ہونے والی ایک سروے میں 15 سال یا اس سے زائد کے 40 ہزار افراد پر تجربات کے بعد علم ہوا ہے کہ خواہ مرد ہوں یا خواتین بے خوابی کا مرض ایسے لوگوں میں عام ہے جو کہ بوڑھے ہوں، انھیں طلاق یا علیحدگی کا سامنا ہو، آمدنی کم ہو، بے روزگار ہوں، ان کی صحت خراب ہو یا جن کے بچے زیادہ ہوں۔
خواتین میں بلند معیار تعلیم ان کی نیند میں کوئی خلل نہیں ڈالتا مگر اس کے برعکس دیکھیں تو مردوں میں یہی چیز مشکلات کا باعث ہوتی ہے۔ عورتوں میں راتوں کو جاگ جانے کا ایک اہم عنصر تو حیاتیاتی ہے لیکن دیگر وجوہات نفسیاتی ہو سکتی ہیں جن میں بے پناہ تھکاوٹ، گھر بار کی زمہ داریاں، بچوں کی پرورش وغیرہ شامل ہیں جن میں غربت کے سبب اضافہ بھی ہو سکتا ہے۔
اس سے ظاہر ہے کہ اچھی تعلیم اور خوش و خرم طرز زندگی کا نیند سے بڑا گہرا واسطہ ہے۔
