پیغمبر اسلام اور غیر مسلم مفکرین

Posted on at


میں نے حضرت محمدﷺ کی تعلیمات کو بغور پڑھا ہے۔ انہوں نے خدمت خلق اور اصلاح اخلاق پر زور دیا ہے۔ میری رائے ہے کہ اگر کوئی غیر مسلم بھی ان تعلیمات پر عمل کرے تو بہت کچھ پاسکتا ہے۔                                                                                                     پروفیسر ہیوگ جرمنی


 اے ابراہیم خلیل اللی کی اولاد! اے محمدﷺ کہ جس نے دنیا کو اسلام کی نعمت بخشی، تمام لوگوں کو متحد کیا ، خلوص کو اپنا شعار بنا یا۔ اے محمدﷺ کہ جس نے انمالا عمال باطنیا ت کی تعلیم دی۔ ہم آپﷺ کے بے حد شکر گزار اور احسان مند ہیں۔                                  ڈاکڑ ایسٹن مصنف حیات رسول پاکﷺ


حضرت محمدﷺ نے عورتوں کے حقوق کی ایسی حفاظت کی کہ پہلے کسی نے نہیں کی۔ وراثت اور جائیداد میں ان کے حصے کو تسلیم کیا گیا۔ اسلام نے عورت کواس زمانے میں وہ حقوق دیئے جو عیسائی عورت کو بیسو یں صدی میں بھی حاصل نہیں۔                                                        مسٹر پیٹر عیسائی مصنف


یوں تو محمدﷺ امی تھے۔ مگر عقل وا دانش میں بے مثل تھے۔ حلیم طبع اور نیک خلق انسان تھے۔                                                                                           موسیو سید لو فرانسیسی مورخ


پیغمبر اسلام ﷺکی صداقت کا سب سے بڑا ثبوت یہ ہے کہ جو آپ کو سب سے زیادہ جانتے تھے وہی آپ پر سب سے پہلے ایمان لائے۔ آپﷺ نے ایک ایسے معاشرے کی بنیاد رکھی جس میں ظلم و سفاکی کی گنجائش نہ تھی۔                                                                        پروفیسر ایچ۔جی۔ویلز انگریز مورخ


آپ ﷺبے حد صادق اور امین تھے۔ آپﷺ نے لوگوں کو گمراہی سے نکالا اور سیدھی راہ دکھائی۔                                                                                             ہربرٹ وائل یورپی مصنف


اہل مکہ آپﷺ کے جانی دشمن تھے مگر جب آپﷺ ایک فاتح کی حیثیت سے شہر میں داخل ہوئے تو سب کو معاف کردیا۔ ایسی فتحِ اور ایسے پاکیزہ فاتحانہ داخلہ کی مثال تاریخ انسانی میں نہیں ملتی۔                                                                                                   لینلے لین پول انگریز مورخ


آپ ﷺکی درد مندی کا دائرہ انسانوں تک ہی محدود نہ تھا بلکہ آپ ﷺنے جانوروں کے ساتھ  زیادتی کو بھی برا کہا ہے۔                                                                          ایس ، مار گو ئتھ برطانوی مصنف


اے محمدﷺ! میں آپ ﷺکے قدموں پر قربان جاؤں اگر آپ ﷺنہ ہوتے تو قبائل عرب رحمت کا نزول کیسے ہوتا۔ حق تویہ ہےکہ آپﷺکُل کائنات کےلئےرحمت بن کر آئے۔ پروفیسر چتن دت ، ہندو ما ہر تعلیم


دنیا پر جتنا احسان حضرت محمد ﷺنے کیا کسی اور انسان نے نہیں کیا۔  مشری ونکنارتنام ، ہندو فا ضل


سب سے پہلی چیز یہ ہے کہ خدانے پیغمبر اسلام ﷺکو سراپا رحمت بنا کر بھیجا۔                                                                                             سوامی برج نرائن ہندو مفکر


حضرت محمد ﷺ کا ظہور نوع انسان پر خدا کی رحمت تھا۔ ہم بدھ لوگ ان کا احترام کرتے ہیں اور ان سے محبت کرتے ہیں۔                                                                          یانگ تو تونگ، بدھ مت پیشوا


کسی روحانی پیشوا نے خدا کی باد شاہت کا ایسا جامع اور مکمل پیغام نہیں سنا یا جیسا کہ پیغمبر اسلام ﷺنے۔ میں ان کی تعلیمات کو دیگر پیشوا ؤں کی تعلیمات سے بہتر سمجھتا ہوں۔                                                                                                                   گاندھی


محمد ﷺ  کی تعریف میں اس سے زیادہ کیا لکھوں کہ آپ ﷺ یتیموں ، مسافروں ، غریبوں اور بے کسوں کے لئے حقیقی رحمت اور نعمت تھے۔                                     پروفیسر لیک ، مغربی دانشور


آپﷺ  نے عورت کی مٹی ہوئی عزت کو بحال کیا اور اس کے حقوق مقرر کئے۔  کملا دیوی ہندو خاتون


حضرت محمد ﷺنے غلامی کے خلاف پہلی آواز اٹھائی۔ غلاموں کو سگے بھائیوں جیسا مقام بخش دیا۔ عورتوں کے مقام کو بلند کیا۔ سود کو قطعاً حرام قرار دے کر سرمایہ داری کی جڑ کاٹ کر رکھ دی۔                                                                              بابو جنگل کشور کھنہ، ہندو ماہر قانون


تاریخ شاہد ہے کہ جس قدر پیغمبر اسلام ﷺکو ستایا گیا اتنا کسی اور نبی کو تنگ نہیں کیا گیا۔ آپ نے ظالموں کو کچھ نہ کہا بلکہ دعائیں دیں۔ طاقت اقتدار حاصل ہونے کے بعد بھی انتقام نہ لیا۔                                                                                        بی۔ایس۔رندھاوا ، ہندو مضنف


آپ ﷺنے اپنے دفا ع کی غرض سے طا قت کا استعمال کیا۔ ورنہ اگر آپ ﷺکا بس چلتا تو سرزمین عرب میں خون کا ایک قطرہ بھی نہ گرتا۔                               لالہ مہر چند لدھیانوی ، ہندو ما ہر تعلیم



About the author

muhammad-haneef-khan

I am Muhammad Haneef Khan I am Administration Officer in Pakistan Public School & College, K.T.S, Haripur.

Subscribe 0
160