Urdu Ghazal – Zehr ke Nashtar

Posted on at


Ragon mein zehr ke nashtar utar gaye chup-chaap
Ham ehl-e-dard jahan se guzar gaye chup-chaap

Kisi pe tark-e-t’alluq ka bhed khul n saka
Teri nigaah se ham yun utar gaye chup-chaap

Palat ke dekha to kuchh bhi n tha hawa ke siwa
Jo mere saath the jaane kidhar gaye chup-chaap

Udaas chehron mein ro ro ke din guzaar diye
Dhali jo shaam to ham apne ghar gaye chup-chaap

Hamari jaan pe bhaari tha gham ka afsana
Suni n baat kisi ne bhi, mar gaye chup-chaap


TAGS:


About the author

160