اردوشاعری کی تاریخ بہت پرانی ہے۔ بہت سے نامور شاعر گزرے ہیں جنہوں نے شاعری کے کئی فن پارے تخلیق کیے ہیں۔ شعراء حضرات نے ایسے ایسے شعر لکھے کہ دنیا ان اشعار کی نزاکت اور نشست و برخاست پر حیران ہے۔
جو بات کی خدا کی قسم لاجواب کی ؏
ان کروڑوں اشعار میں سے کچھ تو ایسے مشہور ہو کہ ان کے ایک ایک مصرعہ نے ہما ری روزمرہ تحریر و تقریر اور گفتگو میں محاورے کی شکل اختیار کر لی ۔ مثلاَََ
دل کےخوش رکھنے کو غالب یہ خیال اچھا ہے ؏
اللہ کر ےزورِقلم اور زیادہ ؏
خوب گزرے گی جب مل بیٹھیں گے دیوانے دو ؏
دونوں طرف ہو آگ برابر لگی ہوئی ؏
بدنام اگر ہوں گے تو کیا نام نہ ہوگا ؏
حسرت اُن غنچوں پہ ہے جو بن کھلے مرجھا گئے ؏
ایسےمصرعے اتنا مشہور ہوا کہ ان کا دوسرا مصرعہ جاننے کی کبھی ضرورت محسوس ہی نہیں ہوئی۔ تو کیا یہ مصرعہ ایسے ہی تخلیق ہوئے یا ان کا کوئی دوسرا مصرعہ بھی ہے؟؟؟؟
جی جناب ان کا دوسرا مصرعہ بھی ہے۔ ایسے اشعار کا ایک مصرعہ تو مشہور ہو جاتاہے۔ مگر دوسرا وقت کی دھول میں کہیں کھو جاتا ہے۔ تو جناب لیجیے ۔میں نے یہاں ان اشعار کو لکھ دیا جن کا صرف ایک مصرعہ مشہور ہوا ۔ پڑھیے اور سر دھنیے ۔۔۔۔۔۔!!
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ہم طالب شہرت ہیں ہمیں ننگ سے کیا کام
بدنام اگر ہوں گے تو کیا نام نہ ہوگا
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
خط ان کا بہت خوب'عبارت بہت اچھی
اللہ کر ےزورِقلم اور زیادہ
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
نزاکت بن نہیں سکتی حسینوں کے بنانے سے
خدا جب حسن دیتا ہے نزاکت آ ہی جاتی ہے
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
یہ راز تو کوئی راز نہیں ،سب اہلِ گلستان جانتے ہیں
ہر شاخ پہ اُلو بیٹھا ہے انجامِ گلستاں کیا ہوگا
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
داورِ محشر میرے نامہ اعمال نہ کھول
اس میں کچھ پردہ نشینوں کے بھی نام آتے ہیں
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
میں کس کے ہاتھ پر اپنا لہو تلاش کروں
تمام شہر نے پہنے ہوئے ہیں دستانے
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ہم کو معلوم ہے جنت کی حقیقت لیکن
دل کےخوش رکھنے کو غالب یہ خیال اچھا ہے
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
قیس جنگل میں اکیلا ہے مجھے جانے دو
خوب گزرے گی جب مل بیٹھیں گے دیوانے دو
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
غم و غصہ و رنج و اندوں و حرما ں
ہمارے بھی ہیں مہرباں کیسے کیسے
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
مریضِ عشق پہ رحمت خدا کی
مرض بڑھتا گیا جوں جوں دوا کی
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
آخرگِل اپنی صرفِ میکدہ ہوئی
پہنچی وہیں پہ خاک جہاں کا خمیر تھا
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
بہت جی جوش ہواحالی سے مل کر
ابھی کچھ لوگ باقی ہیں اِس جہاں میں
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
نہ جانا کہ دنیا سے جاتا ہے کوئی
بڑی دیر کی مہرباں آتے آتے
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
نہ گورِسکندر نہ ہی قبرِ داراں
مٹے نامیوں کے نشاں کیسے کیسے
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
غیروں سے کہا تم نے، غیروں سے سنا تم نے
کچھ ہم سے کہا ہوتا کچھ ہم سے سنا ہوتا
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
جذبِ شوق سلامت ہے تو انشاءاللہ
کچھے دھاگے سے چلیں آئیں گے سرکار بندھے
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
قریب ہے یارو روزِمحشر، چھپے گا کشتوں کا خون کیونکر
جو چپ رہے گی زبانِ خنجر، لہو پکارے گا آستین کا
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
پھول تو دو دن بہارِجاں فزاں کھلا گئے
حسرت اُن غنچوں پہ ہے جو بن کھلے مرجھا گئے
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
کی میرے قتل کے بعد اُس نے جفا سے توبہ
ہائے اُس زود پشیماں کا پشیماں ہونا
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
خوب پردہ ہے چلمن سے لگے بیٹھ ہیں
صاف چھپتے بھی نہیں ،سامنے آتے بھی نہیں
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
اس سادگی پہ کون نہ مرجائے اے خدا
لڑتے بھی ہیں اور ہاتھ میں تلوار بھی نہیں
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
چل ساتھ کہ حسرت دلِ مرحوم سے نکلے
عاشق کا جنازہ ہے ذرا دھوم سے نکلے
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
سوتا ہوں ہاتھ گردنِ مینا میں ڈال کر
ہر روز روزِعید ہے ، ہر شب شبِ برات
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لائے اس بت کو التجا کر کے
کفر ٹوٹا خدا خدا کر کے
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
میری نمازِ جنازہ پڑھائی غیروں نے
جن کے لئے مرے تھے وہ رہے وضو کرتے
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
سونے چاندنی کی چمک بس دیکھنے کی بات ہے
چار دن کی چاندنی ہے پھر اندھیری رات ہے
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
وصل کا دن اور اتنا مختصر
دن گنے جاتے ہیں اس دن کے لیے
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
پاپوش پہ لگائی کرن آفتاب کی
جو بات کی خدا کی قسم لا جواب کی
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
اگر بخشے زہے قسمت، نہ بخشے تو شکایت کیسی
سر تسلیمِ خم ہے جو مزاج یار میں آئے
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
اب اُداس پھرتے ہو سردیوں کی شاموں میں
اسطرح تو ہوتا ہے اسطرح کے کاموں میں
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
خرد کا نام جنوں پڑگیا، جنوں کا خرد
جو چاہے آپکا حسن کرشمہ ساز کرے
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الجھا ہے پاؤں یار کا زلفِ دراز میں
لو آپ اپنے دام میں صیاد آگیا
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
باغباں نے آگ دی جب آشیا نے کو میرے
جن پہ تکیہ تھا وہ پتے ہوا دینے لگے
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
بھانپ ہی لیں گے اشارہ سرِ محفل جو کیا
تاڑنے واے قیامت کی نظر رکھتے ہیں
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
زمین چمن گل کھلاتی ہے کیا کیا
بدلتا ہے رنگ آسماں کیسے کیسے
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
زمانہ بڑے شوق سے سن رہا تھا
ہم ہی سو گئے داستاں کہتےکہتے
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
راہ پہ ان کو لگا لائے تو ہیں باتوں میں
اور کھل جائیں گےدو چار ملاقاتو ں میں
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
اب تو گھبراکہ کہتے ہیں کہ مر جائیں گے
مر کہ بھی چین نہ پایا تو کدھر جائیں گے
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
زندگی جبرِمسلسل کی طرح کاٹی ہے
جانے کس جرم کی پائی ہے سزا یاد نہیں
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
عشق نے غالب نکما کر دیا
ورنہ ہم بھی آدمی تھے کام کے
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
آپ ہی اپنی اداؤں پہ ذرا غور کریں
ہم اگر عرض کریں گے تو شکایت ہو گی
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
دائم آباد رہے گی دنیا
ہم نہ ہوں گے کوئی ہم سا ہوگا
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
فسانہ اپنا حقیقت سہی مگر کچھ کچھ
بڑھا بھی لوگ دیتے ہیں زیبِ داستاں کی لئے
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
وجودِزن سے ہے تصویرِ کائنات میں رنگ
اسی کے ساز سے ہے زندگی کا سوزِدروں
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
سن تو سہی جہاں میں ہے تیرا فسانہ کیا
کہتی ہے تجھ کو خلقِ خدا غائبانہ کیا
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الفت کا جب مزہ ہےکہ وہ بھی ہوں بے قرار
دونوں طرف ہو آگ برابر لگی ہوئی
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
امید ہے آپ کو اشعار اچھے لگے ہونگے تو برائے مہربانی اس بلاگ کو اپنے سوشل میڈیا پیج پر شیئر کریں۔
عمیر علی
O-Mair
umairali286@gmail.com
