ہم ایک ہی وقت میں وہ تمام باتیں سن رہے ہوتے ہیں جو ہمارے اردگرد کہی جارہی ہوتی ہیں میں یہ دعوے کے ساتھ کہہ سکتا ہوں کہ میں وہ تمام باتیں سمجھ سکتا ہوں ذرا ٹھہریئے مجھے اپنے بیان میں تھوڑی تصحیح کر لینے دیں یہ کہنا زیادہ درست ہو گا کہ میں یہ ساری آوازیں ایک ہی وقت میں سن سکتا ہوں یعنی یہ ضروری نہیں کہ جو کچھ ہم سن رہے ہون وہ سمجھ بھی رہے ہوں سننے اور سمجھنے میں کافی فرق ہوتا ہے اسلیے ہم میں سے کافی سارے لوگ ایسے ہوتے ہیں میری طرح تمام آوازیں سن تو لیتے ہیں مگر سمجھ نہیں پاتے اور کچھ ایسے لوگ بھی ہوتے ہیں تمام آوازوں کو سن کر ان کو سمجھ بھی لیتے ہیں اکثر اوقات ایسا بھی ہوتا ہے کہ ہم اپنے کانون مین پڑنے والی تمام آوازیں صرف سن رہے ہوتے ہین لیکن ان میں سے کسی کے ساتھ کچھ مطلب جوڑ جائے تو ہم کہہ سکتے ہیں کہ وہ آواز ہم نے صرف سنی ہی نہیں بلکہ سمجھی بھی ہے

سننے اور سمجنھے کی صلاحیت میں بہتری لانی چاہیے، بہترسننے کی صلاحیت تو پیدائشی ہوتی ہے مگر یہ ضروری نہیں کہ زیادہ بہتر سمجھنے کی صلاحیت رکھنے والے لوگ پیدائشی طور پر ہی ایسے ہوں اگر ہم بھی کوشش کرین تو ہم بھی اپنے سننے اور سمجھنے کی صلاحیت کو بہتر کر سکتے ہیں کیونکہ اسکا انحصار ماحول اور بعض دیگر عوامل پر ہے نہ کہ وراثت پر اور کہا جاتا ہے کہ ’’اچھا سننے والا ہی اچھا اسپیکر یا مقرر ہو سکتا ہے ‘‘ ایک ہی وقت میں ہر بات کو سمجھنے کی کوشش مت کریں جب آپ کسی ایک آواز پر توجہ مرکوز کریں گے تو باقی خودبخود پس منظر میں چلی جائیں گی اور وہ آواز جس پر آپ کی توجہ مرکوز ہے آپ کے لیے معنی اختیار کرتی جائے گی

اچھے سننے اور سمجھنے کے لیے کچھ مفیدباتیں درجہ ذیل ہے

۱۔ ادھر ادھر نہ دیکھیں بلکہ اپنی پوری توجہ اس شخص پر مرکوز کرین جو بات کر رہا ہے

۲۔ الفاظ پر توجہ دیں ، اس پر دھیان نہ دیں کہ اس کی ادائیگی کا انداز کیا ہے

۳۔ پہلے یا بعد کے حالات کو اپنے زہن سے نکال دیں ذہنی طور پر اسی مقام پر رہین جہان پر آپ جسمانی طور پر موجود ہیں

۴۔ کوشش کریں کہ پہلے بولنے والے کی بات مکمل ہو جائے پھر آپ بولیں

۵۔جب بولنے والے کی بات ختم ہو جائے تو ان باتون کو اپنے الفاظ میں دہرائیں ۔