ہماری تجھ سے یا رب یہی دعا ہے
دعا کے ساتھ یہ بھی مدّعا ہے
خوش اخلاقی سے پیش آئیں سبھی سے
نہ دل میں دشمنی رکھیں کسی سے
کبھی نیکی کی رہ سے ہم نہ بھٹکیں
برائی کے ہرگز نہ پاس بھٹکیں
بدی سے ہم بچائیں اپنا دامن
بزرگوں کا کریں ہم نام روشن
رہے ماں باپ کا سایہ سلامت
دل و جاں سے کریں ان کی اطاعت
بسے دل میں ہمارے دیں کی عظمت
کریں اسلام سے سچی محبت
خدایا ، دور کر دے ہر خرابی
ملے دونوں جہاں میں کامیابی
رہیں اہل وطن آزاد و خوشحال
وطن دشمن رہیں برباد و پامال