آج میں جس میچ کی بات کرنے جا رہا ہوں وہ برطانیہ کیلئے مارو یا مرو کی حیثیت رکھتا تھا ۔ ورلڈکپ میں آگے بڑھنے کیلئے انکا یہ میچ جیتنا ضروری تھا ۔ یہ میچ ان دو ٹیموں کے درمیان تھا جن میں سے ایک ٹوئنٹی ٹوئنٹی کی سابقہ چیمپئن اور دوسری بھی ٹوئنٹی ٹوئنٹی کے فائنل میں شکست کھانے والی ٹیم تھی ۔ دونوں ٹیموں کو ہر قسم کے میچوں کا اچھا خاصا تجربہ تھا ۔ یہ میچ چٹاگانگ میں کھیلا گیا ۔
دونوں ٹیمیں میچ کیلئے بلکل تیار تھیں ۔ برطانیہ نے ٹاس جیت کر پہلے فیلڈنگ کرنے کا فیصلہ کیا ۔ میچ سے پہلے دونوں ٹیموں کے قومی ترانے بجاۓ گئے ۔ سری لنکا کی طرف سے پریرا اور دلشان بیٹنگ کیلئے آئے ۔ مگر یہ دونوں اچھا آغاز نہ فراہم کر سکے کیونکہ پریرا صرف ٣ رن بنا کر آؤٹ ہو گئے تھے ۔ اب جے وردنے بیٹنگ کیلئے آئے ۔ جو انکے سب سے تجربہ کار کھلاڑی تھے ۔ ان دونوں نے بہت عمدہ بیٹنگ کی اور ١٤٥ رن کی شراکت قائم کی ۔ یہ شراکت اس وقت ٹوٹی جب جے وردنے ٨٨ رن بنا کر آوٹ ہو گئے ۔ اس وقت ٹیم کا سکور ١٤٩ تھا ۔
اب سب کی نظریں دلشان پر تھیں کہ یہ آخری چند اوورز میں کیسا کھیلتے ہیں ۔ لیکن یہ بھی کچھ دیر بعد آوٹ ہو گئے ۔ دلشان نے ٥٧ رن بناۓ ۔ اسطرح سری لنکا نے مقررہ ٢٠ اوورز میں ١٩٠ رن بناۓ اور برطانیہ کو جیت کیلئے ١٩١ رن کا پھاڑ جیسا ہدف دیا ۔ یہ مشکل ضرور تھا لیکن برطانیہ کیلئے ناممکن نہیں ۔
اب بات کرتے ہیں برطانیہ کی بیٹنگ کی جس میں ہیلز، لمب ، بٹلر اور مورگن جسے اچھے کھلاڑی ہیں ۔ جب برطانیہ نے اپنی بیٹنگ شروع کی تو ان کو شروع سے شدید مشکلات شدید مشکلات کا سامنا کرنا پڑا ۔ لمب اور علی ان کے دو کھلاڑی بغیر کوئی رن بناۓ پہلے ہی اوور میں آوٹ ہو گئے ۔ پھر برطانیہ کی طرف سی ہیلز کا ساتھ دینے کیلئے مورگن آئے ۔ ان دونوں نے بہت ہی عمدہ بیٹنگ کی اور ١٥٢ رن کی شراکت قائم کی ۔ مورگن ٥٧ رن بنا کر آوٹ ہو گئے ۔
اب برطانیہ کے پاس صرف ایک ہیلز ہی بیٹسمن بچا تھا جو انکو فتح دلا سکتا تھا اور اس نے بھی اپنی ٹیم کی امیدوں پر پانی نہیں پھیرا ۔ ہیلز نے میدان میں چاروں طرف دلکش شاٹس کھلیے اور میچ ختم ہونے سے پہلے اپنی سنچری مکمل کی ۔ انہوں نے ہی چکھا لگا کر اپنی ٹیم کو فتح سے ہمکنار کروایا ۔ انہوں ١١٦ رن کی عمدہ اننگ کھیل کر ثابت کر دیا کہ وہ تنہا ہی میچ جتوانے کی صلاحیت رکھتے ہیں ۔
میں اس میچ سے بہت لطف اندوز ہوا خاص طور پر ہیلز کی بیٹنگ سے ۔ مجھے لگتا ہے کہ یہ مستقبل میں برطانیہ کیلئے بہت بڑا کھلاڑی بنے گا ۔
