لاہور لنڈا بازار حصہ اول
آج ہم آپ کو لنڈا بازار کی سیر کروائیں گے اور اس کے بارے میں بھی بتائیں گے لاہور سرکلرروڑ میں دہلی دروازہ ایک مشہور جگہ ہے اس کے بالکل سامنے لنڈا بازار ہے لنڈا بازار کے باہر ہی کافی زیادہ سامان ریڑہیوں پر ادھر اودھر لگا ہوتا ہے جس میں خاص طور پر گرم کپڑے۔جوتے۔ٹوپیاں۔مفرل۔سویٹر۔جیکٹس۔موزے۔دستانےاور اس طرح کی اور بھی بہت سی ضرورت کی چیزیں ملیں گی ۔
لنڈا بازار کے شروع ہوتے ہی ایک کارنر پر سی آئی اے کوتوالی کا دفتر ہے اور دوسری طرف کارنر پر ایک لوہے کی دوکان ہے اس سے آپ کو مختلف قسم کی چیزیں میں گی جیسے تکے کباب بنانے والی بٹھیاں۔ان کی سیخیں۔قیمہ بنانے والی مشین۔گاجر کش کرنے والی مشین وغیرہ وغیرہ ملیں گی۔
اس کے ساتھ جو دوکانیں ہیں جن پر گرین جالی ملے گی گرین جالی[جن کو ہم اپنے صحن برآمدوں میں چھاؤں کے لیے استعمال کرتے ہیں اس کے علاوہ مچھر دانیاں بھی ملیں گی اس کے ساتھ ہی کمبلوں کی دوکانیں شروع ہو جاتی ہیں ان دوکانوں پر باہر کے ممالک کے پرانے کمبل بھی ہوتے ہیں اور چائنا کے نئے کمبل بھی ملتے ہیں چائنہ کے نئے کمبلوں سے باہے کے پرانے کمبل زیادہ نرم ملائم۔اور پائیدار ہوتے ہیں اور زیادہ گرم بھی ہوتے ہیں اس کے سامنے دوسری سائیڈ پر سی آئی اے کوتوالی کی دیوار کے ساتھ ساتھ سٹال لگے ہوتے ہیں جن پر جینز کی پینٹیں شرٹزاور کاٹن کے سوٹ وغیرہ ملتے ہیں جینز کی پینٹ اور شرٹ تو دوسرے ممالک کی ہوتی ہیں اور کاٹن کے سوٹ پاکستان سے اکٹھے کیے جاتے ہیں