Bhula dena itna asaan nahi hota Kalsoom! Maine
us sey muhabbat ki hay. Apnay dil ki tamaam tar
shiddaton or sachaeyun k sath. Tumhain apnay dil
ki bataon Kalsoom! Jis roz wo wapis ae ga k
“Maha! main tumhare paas wapis aa gya.” Main
waqae pichli har baat bhula kar us k sath apni
zindagi phir sey shuru kar dun gi. Jahaan par
hamaara sath chuta tha”. Wo apni dost k galay lag
kar bilak bilak kar ro pari thi or Kalsoom Adnan is
ki pusht par holay holay hath phairnay k siwaa or
kuch nahi kar sakti thi.
An Excerpt From,
Safar ki Shaam