كل يوم ربنا بيبعتلنا رسايل
ساعات بتكون رسايل خارجه من جوانا
ساعات بتكون في حكايات سمعناها
وساعات بتكون مواقف كنا فيها وشوفناها
يعني لما يوم نعدي من مكان ونلاقي في مشكله معينه
مش المفروض نمشي ونعديها
ولا نطنش عشان ما تخصش حد فينا
لان مافيش حاجه اسمها صدفه
احنا كنا في المكان دا
ف الوقت دا
ف اللحظه دي
عشان ربنا عايز يوصلنا رساله
وللاسف
كل يوم بيتبعتلنا رسايل
رسايل ساعات مش بنكون فاهمنها
وساعات ممكن مانخدشي بالنا منها
رسايل مقصود بس لينا
ورسايل وواضحه لكل الي حوالينا بس احنا
مش شايفين المعني الي فيها
ف رسايل منها قدامتا بتتقال
ورسايل بتبقا موقف من ناس كبيره اوعيال
ورسايل من صدمتها بتغيرنا من حال لحال
كلنا بتشوف الرسايل
بس مش مهم مين الي شافها
المهم مين الي فهم واتغير بسببها
واول رساله هتبدا من مكالمه تليفون ......
