اسلام کے پانچ ارکان میں سے نماز پہلا رکن ہے ہر مسلمان پر پانچ وقت کی نماز فرض ہے نماز سب سے افضل عبادت ہے اور ایک بدنی عبادت ہے قیامت کے دن سب سے پہلے نماز کے بارے میں ہی پوچھا جائے گا نمازی کو یہ شعور ہوتا ہے کہ وہ اپنے پروردگار کے حضور اس کے حکم کی تکمیل میں حاضر ہے اور اس کے سامنے بندگی کا اظہار کر رہا ہے عبادات میں سے نماز کی تاکید قرآن وحدیث میں سب سے زیادہ ہے اسلیے اسکے فائدے بھی بہت زیادہ ہے سائنسی تحقیق کے یہ بات ثابت ہوئی ہے کہ نماز انسان کی صحت پراچھے اثرات مرتب کرتی ہے اور بہت سی بیماریوں سے حفاظت کرتی ہے
نماز ایک صحت بخش عبادت ہے اور اسکا سب سے اہم فائدہ یہ ہے کہ انسان کو امراض قلب سے محفوظ رکھتی ہے انسانی دل ہر وقت دھڑکتا ہے یہ اسکا معمول ہے جب تک زندگی لکھی ہے تا ہم جب نمازی نماز کے دوران رکوع وسجود کرتا ہے تو اسکے دل کو آرام اور سکون ملتا ہے اسکا بوجھ ہلکا ہوتا ہے کیونکہ سینے کی سطح سے جتنے بلند اعضاء ہیں مثلاً سر ان تک خون پہچانا دل کے لیے مشکل ہوتا ہے دماغ تک خون پہنچانے کے لیے دل کو بہت زور لگانا پڑتا ہے تا ہم جب انسان رکوع اور سجدے کی حالت میں جاتاہے تو دل کے لیے دماغ ، آنکھ کان تک خون پہچانا آسان ہوجاتا ہے اور دل پر زیادہ زور نہیں پڑتا جس سے دل کے دورے پڑنے کے امکان کم ہوجاتے ہیں
نماز سے دماغ کو بھی بہت تقویت ملتی ہے جب نمازی سجدہ کی حالت میں ہوتا ہے تو اس دماغ کو بھی مدد ملتی ہے اور وہ اپنی کارکردگی کو پوری چستی و مستعدی کے ساتھ سر انجام دیتا ہے اور بلند فشار خون کو کم کرنے میں بھی مدد ملتی ہے
نماز کے اوقات میں بھی اللہ تعالی نے حکمت رکھی ہے جب انسان صبح سویرے نماز کے لیے اٹھاتا ہے اور نماز کے لیے وضو کرتا ہے تو وہ ترو تازہ ہوجاتاہے اور صبح جلدی اٹھنے کی عادت سے انسان کی عمر لمبی ہوتی ہے اسی طرح باقی نمازون کے اوقات کے لیے وضو کرنے سے انسان کی سستی دور ہوتی ہے اور یہہ نماز انسان غلط کاموں اور بے حیائی سے روکتی ہے۔