روزہ
مال اور جان کی یہ عبادت ہے
روزہ رکھنا بڑی سعادت ہے
ماہ رمضاں میں دن کا روزہ ہے
کھانے پینے سے ھم کو رکنا ہے
رات کو ھم تراویح پڑھتے ھیں
اپنے رب کے حضور جھکتے ھیں
ہے یہ اک نفس ضبط کی تعلیم
اور تعمیل حکم رب کریم
اہل ایمان پر فرض ہے یہ روزہ
اپنے خالق کا قرض ہے یہ روزہ
بھوک اور پیاس جب ھم اٹھاتے ھیں
ھم کو مفلس بھی یاد آتے ھیں
اس سے اک احساس ابھرتا ہے
مال کچھ ان پی خرچ کرنا ہے
یہ تو ہے جذبہ اک سخاوت کا
یہ بھی حصّہ ہے اک عبادت کا
غیبت( چغلخوری )
چغلی کھانا کام برا ہے
چغلخور بدنام برا ہے
ہے یہ کتنا ھی گندہ کھانا
گوشت مرے بھائی کا ہے کھانا
پیٹھ پیچھے کرنا بد گوئی
اچھا کام نہیں ہے کوئی
جو کوئی یہ کام کرے گا
پھر اس کو اچھا کون کہے گا
یہ ہے اک طرح کی چوری
یہ ہے اک اخلاقی کمزوری
کب اور یہ بات بڑائی کی ہے ؟ ؟
یہ تو صرف اک بنیاد لڑائی کی سی ہے
اے مسلم امّہ ، نیک بنو تم
سب اچھے اچھے کام کرو اب تم
جو بھی کچھ دیکھو تم ، منہ پر کہہ دینا
مگر چغل خوری سے تم بچ بچ کے رہنا
بلاگ رائیٹر
نبیل حسن