لاہور (مانیٹرنگ ڈیسک) اداکارہ میرا نے کہا ہے کہ ہم بھارتی فلم انڈسٹری کا مقابلہ نہیں کر سکتے ۔
لاہور پریس کلب میں” مدرز ڈے “کے موقع پر نیوز کانفرنس کرتے ہوئے ان کا کہنا تھا کہ وہ پاک بھارت مشترکہ فلم سازی کیلئے کام کر رہی ہیں اور انکی فلم ”ہوٹل “13مئی کو ریلیز کی جا رہی ہے ۔
میرا نے کہا کہ وہ اپنی فلموں کیلئے بہترین کہانیوں کا انتخاب کرنے کی کوشش کرتی ہیں اور اس فلم میں انکی اداکاری اور ڈائیلاگ بہترین ہیں ،فلم کو ریلیزسے پہلے ہی 2014 کے فلم فیسٹیول میں 2 ایوارڈ مل چکےہیں۔فلم میں میرا کردار منفرد ہے ، میں خوبصورت نظرنہیں آوں گی۔
.” میری فلم میں کوئی نئی کہانی نہیں، پرانی کہانی کونئے اندازمیں پیش کیاجارہاہے“۔
روزنامہ پاکستان کی خبریں اپنے ای میل آئی ڈی پر حاصل کرنے اور سبسکرپشن کیلئے یہاں کلک کریں
صحافی نے میرا سے پوچھا کہ انکی آخری فلم کب ریلیز ہوئی تھی جس پر اداکارہ کا کہنا تھا کہ مجھےتاریخ یاد نہیں ،آپ گوگل سے سرچ کرلیں۔
اداکارہ کا کہنا تھا کہ اس جہان میں والدہ سے شفیق کوئی مخلوق نہیں اور نہ ہی والدہ کا کوئی نعمل البدل ہے ۔ اللہ نے والدہ کے روپ میں ہمیں ایک ایسی شخصیت عطا کی ہے جس کی عظمت کو الفاظ میں بیان نہیں کیا جا سکتا ۔ میرا نے کہا کہ وہ اپنی والدہ سے بے حد محبت اور احترام کرتی ہیں اور سب کو والدین کا احترام کرنا چاہئیے۔ 
