الرسالة : توثيق الثورة من وجهة نظر واحد لا اخوان ولا فلول ولا عسكر ولا حتي كنبة ولا هو عارف اذا كان ثوري ولا لأ ...  من الاخر دي رؤية شاب مصري عن ما حدث من يناير 2011 الي يناير 2014 وقصة 3 سنين عجاف.

البداية: 24 يناير 2011 

الحكاية: زاد الكلام قوي قوي ... بيقولوا ايه ؟؟ بكرة فيه مظاهرات وهتبقي ثورة !!!!  ثورة ؟؟!!!!  ثورة؟

يعني ايه ثورة ؟؟

هي دي المشكلة اننا مكناش نعرف يعني ايه ثورة متربناش عليها شوفنا اهلنا بيصحوا يروحوا الشغل كل يوم وطول الاسبوع طول السنة وربونا علي ذاكر عشان تنجح وتبقي مهندس ودخلنا في دائرة الروتين ومعرفناش يعني ايه نقول لا ... اغلبنا يعني 

 كنا بنسمع عن كفاية و6 ابريل سمع خفيف كده وموضوع غزل المحلة  وانهم واليعوز بالله كده خونة وعملاء ومش عايزين مصلحة البلد :( واغلبنا صدق

يوم 25 يناير عيد الشرطة واحتفالات جميلة والشرطة ماشية في الشارع تعزف موسيقي اول مرة اخد بالي ان الشرطة بتحتفل اتاريهم كانوا بيغطوا علي موضوع المظاهرات ده والتلفزيون المصري قال المظاهرات بتحدف الشرطة بالورد والشرطة كذلك والجو جميل ولطيف 

وسمعنا من القنوات المغرضة ان الشرطة بتضرب المتظاهرين ... ايه ؟؟؟ عيش حرية عدالة اجتماعية ...

 يعني عايزين ايه برضه ؟؟

هووووووووب 28 يناير وجمعة الغضب التليفونات مقطوعة النت مقطوع مفيش غير التليفزيون يا اما الشارع عشان تعرف في ايه ... التلفزيون المصري قال مخربين والجزيرة بتقول دي ثورة ... التلفزيون المصري بيقول عملاء وخونة وكنتاكي وفلوس ودعارة ومخدرات 

والجزيرة بتقول ثوار احرار .. والشعب بقي يريد اسقاط النظام ومبارك كل شوية يخرج يقول كلام وكلام يحنن قلبنا ونقول ما تدوله فرصة يا جدعان ...وهوووووووب موقعة الجمل

   ......... نكمل في الجزء الثاني .......  تابعوني