دکھوں پر ماتم منانے سے
سرِ بزم تماشا بنانے سے
ہزار واویلے مچانے سے
کیا کبھی کچھ بھی ہوتا ہے
دکھ ایک اثاثہ ہے
جو تم سے لے لیایا پھر
جو تم تک نہیں پہنچارضاۓ رب کا خاصہ ہے تو ہو غمزدہ سے کیوں
کہو یہ شکستگی کیسی
کہو یہ آشفتگی کیسی
تم تو صبر کے قائل تھے
رضاۓ رب پر مائل تھے
پھر یہ شکایتیں کیسی
کہو یہ رنجشیں کیس
ہاں انسانی فطرت میں بھی سمجھتی ہوں'
کہ ایک گہرا دکھ تو ہوتا ہے
کئی آنسو مچلتے ہیں
کئی شکوے پنپتے ہیں
اضطرابِ مسلسل ہے
کئی جذبوں کی ہلچل ہے
مگر ۔۔ ہر حال میں شکرِ خدا کا حلف جو تم نے اٹھایا تھا کہو ۔۔ کیا اسکو نبھایا ہے
کیا رب سے بڑھ کر مخلص یہاں تم نےکسی کو بھی پایا ہے رب کی ہر رضآ میں
ہر قضا میں
ہر سزا میں
ہر جزا میں
یقین مانو حکمت اک پوشیدہ ہے
اور حکمت میں فقط محبت پوشیدہ ہے
جسے ابھی تم نہیں جانو
ہاں پر جان جاؤ گے۔۔!
تو جس دن جان جاؤ گے؟
کیا رب کو اس دن سراہو گے؟
کیا اسی دن دکھ بھلاؤ گے؟
اسی دن سجدے میں دل جھکاؤ گے؟
تو کیا اس سے قبل تم نہ مسکراؤ گے؟
کہو یہ کیسی وفائیں ہیں؟
کیسی جفاکش ادائیں ہیں؟
میری ایک بات مانو گے؟
دو آنسو بہاؤ تم
۔۔جملہء قضاء کہہ دو
۔۔پھر مسکرا کر شکرِ خدا کہہ دو!
دکھ کی تدفین کر ڈالو۔۔!
اس پر اشکِ صبر کی کچھ نمی ڈالو
ہاں دکھ کو دعا میں یاد رکھنا تم
کہ جب جب دعا کو ہاتھ اٹھیں گے
تم رب کو بہت قریب پاؤ گے
راز ایک کہوں تم سےبےجا دکھ نتیجہء لاحاصل توقع ہے در حقیقت یہ رستہ صبر کا ہے
کیوں دروازہ یہ خود پر بند کرتے ہو
قرب اللہ کا یہ بہانہ
کیوں خود پر تنگ کرتے ہو
دکھ کو کیوں وبالِ جان کرتے ہو
گر اتنا عزیز ہے تو اثاثہ بنا لو ناں
!تم دکھ کو بھی رضاۓ رب سمجھ کر مسکرا لو ںاں