ھمارے معاشرے کا ایک بھت بڑا المیہ عزت اور غیرت کا معیار خود ساختہ ھے۔۔اغیار کی تقلید، جہالت، کم عقلی یا شیطانی دھوکے جو بھی اسکی وجوھات ھوں۔ ایک عام انسان اسے اسٹیٹس کا نام دیتا ھے۔۔۔
اسکی ایک مثال وہ جاھل قسم کے بہروپیے مرد ھیں کہ جب انکی خواتین بغیر پردہ باھر جانے لگتی ھیں تو انکو بڑی غیرت آتی ھے کہ لوگ کیا کہیں گے کہ انکو روکنے والا کوئی نہیں؟؟ مگر جب یہی خواتین شادی بیاہ یا دوسری تقاریب میں بے پردہ، گلے میں دوپٹہ ڈال کر( اور دوپٹہ بھی ایسا کہ اسے دوپٹے کے نام پر مذاق کہا جائے تو زیادہ بہتر معلوم ھوتا ھے (اور میک اپ کر کے جانے لگتی ھیں تو یہ غیرت مندی کا مظاھرہ کرنے والے مردوں کی عقلوں پر اچانک پردہ پڑ جاتا ھے اور شیطان یہ کہہ کر دلاسہ دیتا ھے کہ کوئی بات نہیں شادی ھے۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ارے اللہ کے بندو شادی ھے کوئی غیرت کا سودہ تو نہیں ھے۔۔۔
رواج، آزادی اور اسٹیٹس کے نام پر خواتین کو بنا سنوار کر باھر لے کر جانا اور جب ان کو کوئی دیکھے یا کوئی نازیبا فقرہ کہہ دے تو بات برداشت سے باھر ھو جاتی ھے۔۔کہ ھمارے ھوتے ھوئے ایسا کہہ کیوں دیا؟؟؟
تف ھے تمھاری عقلوں پر۔۔۔۔۔۔۔ پہلے عوام کو انٹر ٹینمنٹ خود فراھم کرتے ھو پھر انٹر ٹین ھوتا ھوا دیکھ نہیں سکتے؟

میرے خیال سے ایسی خواتین کے لئے 'شو پیس' کا لفظ مناسب رھیگا۔۔
تم لوگ مرد حضرات سے نظریں جھکا لینے کی توقع کرتے ھو اور موقع کی مناسبت سے اپنی خواھشات کو بے لگام چھوڑ دیتے ھو؟؟؟؟ عورت تو چھپانے کی چیز تھی۔۔اور جس بے پردگی کو تم نے اسٹیٹس کا نام دے دیا ۔ اللہ نے تو اسے جہالت کہا ھے کہ زمانہ جاھلیت کی طرح زینت نہ دکھاتی پھرو۔۔۔اور تم تو زینت دکھانے والے جاھل نمائشی لوگ ھو۔۔۔
بے پردہ گھر سے باھر نکلے تو بڑی غیرت آتی ھے۔ اور اگر یہی پردہ شادی وغیرہ میں کیا جائے تو کہا جاتا ھے کہ اسے اتار دو۔ لوگ کیا کہیں گے کہ شادی میں پردہ؟؟؟؟؟
گھروں میں بڑی تہذیب سے رھنے والی خواتین شادی میں میوزک پر ڈانس کرتیں اور بھنگڑا ڈالتی ھیں۔۔۔ کیوں؟؟؟ کیونکہ شادی ھے۔۔۔
دلہن صاحبہ اپنے مہنگے میک اپ، جیولری اور کپڑوں سے لیس ھو کر سب کو انٹر ٹین کر چکیں۔۔ موصوفہ کی ویڈیو بنی اور فوٹو سیشن بھی ھو چکا۔ اور اب جا کر دولہا صاحب کی باری آئی۔۔۔ اور پھر منہ دکھائی کی رسم؟؟؟؟؟؟؟؟ عجیب مضحکہ خیز صورتحال ھے؟؟؟؟؟
یہ دولہا بے وقوف تھا یا بے وقوف بننے کا ڈرامہ کر رھا تھا؟؟؟

یا پھر یہ دولہا بھت ھی زیادہ معصوم تھا جو اس بے چارے کو کچھ پتہ ھی نہیں۔۔۔پھر ایسی خواتین کی بھی بڑی تعداد دیکھی گئی ھے جو گھر سے با پردہ ھو کر نکلتی ھیں۔ مگر جیسے ھی تقریب یا شادی ھال میں قدم پڑتا ھے تو وہ پارسا خاتون کا اچانک سے اک دوسرا ھی روپ سامنے آتا ھے۔ سارا پردہ اتر جاتا ھے اور ایک ورائٹی شو شروع ھوجاتا ھے۔ اور ان کے ساتھ موجود مرد حضرات جو اندر قدم رکھنے سے پہلے تو بڑے غیرت مند دکھائی دے رھے تھے۔۔۔۔۔ اچانک سے بے غیرت بن جاتے ھیں ،کیوں؟؟؟؟ کیونکہ شادی ھےاور یہ تو موقع کے مطابق اسٹیٹس کے چکر میں روپ بدلنے والے اور کبھی غیرت مند اور کبھی بے غیرتی کا لبادہ اوڑھنے والے بہروپیے ھیں۔۔۔اور انکو یہ بے پردگی جو کہ تقریب میں آنے سے پہلے پہلے ناجائز لگ رھی تھی، اب اچانک سے جائز لگنے لگ جاتی ھے۔یہ تو واقعی بڑے کمال کے لوگ ھیں۔۔۔۔۔
گرگٹ کو مات دے گئی فطرت جناب کی۔۔۔۔۔۔۔

چند دن پہلے ایک شادی پر جانے کا موقع ملا۔ ایک باپردہ خاتون تشریف لائیں۔۔ میرے سامنے والی میز پر بیٹھی تھیں۔۔ میں نے دل میں کہا کہ ماشاء اللہ کتنی اچھی لگ رھی ھیں۔۔ مگر دوسرے ھی لمحے ان کا ایک دوسرا ھی روپ سامنے آیا۔۔۔محترمہ نے برقع اتارا۔ بال ٹھیک کیئے اور دوپٹہ گلے میں ڈال کر مردوں کی بھیڑ میں جا گھسیں۔۔ اور فنکشن ختم ھوتے ھی ان بہروپیہ خاتون نے پھر سے روپ بدلہ، برقع پہنا اور گھر چلی گئیں۔۔۔۔۔کیا تماشا تھا یہ؟؟؟؟؟

اگر یہ برقع پہنے ھوئے شادی اٹینڈ کر لیتیں تو کون سی قیامت آجانی تھی؟؟مگر کیا کریں یہ لوگ تو عادت سے مجبور ھیں۔۔ کبھی کچھ تو کبھی کچھ۔۔۔
حالانکہ مسلمان عورت کو پردہ کے ذریعے عزت دی گئی کہ وہ اس سے پہچان لی جائے۔۔۔قال اللہ تعالی: '' اے نبی صل اللہ علیہ وسلم ،اپنی بیویوں اور بیٹیوں اور اہل ایمان کی عورتوں سے کہہ دو کہ اپنے اوپر اپنی چادروں کے پلو لٹکا لیا کریں ۔ یہ زیادہ مناسب طریقہ ہے تاکہ وہ پہچان لی جائیں اور نہ ستائی جائیں ۔ اللہ تعالیٰ غفور الرحیم ہے۔''الاحزاب
پردہ اسکی پہچان کا معیار بتایا گیا کہ پتہ چلے کہ یہ مسلمان اورشریف عورتیں ہیں، بے حیا نہیں۔ورنہ تخفیف تو لونڈی کو تھی۔۔ اور تمھاری جہالت پر افسوس ھے کہ تم نے معیار عزت سے اتر کر لونڈی کے درجہ کو پسند کیا۔۔۔۔
خیر اللہ تم جیسے موقع کی مناسبت سے روپ بدلنے والے بہروپیوں اور غیرت کے نام پر اپنے دل کی تسلی کی خاطر خود کو دھوکہ دینے والوں کو عقل و فہم عطا کرے۔۔۔
آمین..!

بقلم میرب فاطمہ ..جزاک الله خیرا !!!
-------------------------
سارے مہمانوں کی نظریں دروازے پر لگے لگے تھک گئیں،
دلہن آنے کا نام ہی نہیں لے رہی تھی. آج ولیمے کی تقریب ہے اور سارا ہال مہمانوں سے بھر چکا ھے اور سٹیج تھا کہ بن دلہن کے سونا پڑا تھا. خاصی تاخیر کے بعد جب دلہن اسٹیج پر آئیں
تو میں نے انکی نند سے وجہ پوچھی کہ اتنی تاخیر کیوں ہو گئی کیونکہ سردی لمحہ بہ لمحہ بڑھتی جا رہی تھی اور درجہ حرارت 8 ڈگری سینٹی گریڈ تھا چھوٹے بچوں کی مائیں بچوں کو سنبھال کر تھک گئیں تھیں.
نند نے جو جواب دیا اس نے قلم اٹھانے پر مجھے مجبور کردیا وہ رسان سے بولی ” بھابھی کا فوٹو سیشن چل رہا تھا نا اس نے طول پکڑ لیا”
“اچھا تو بھائی بھابھی اسمیں مصروف تھے
” میں نے سوال کیا تو وہ بولی نہیں نہیں بھابھی تھیں بس بھائی تو سب سے پہلے ہال پہنچ گئے تھے کیونکہ ابوجان نے کہا تھا انہیں مہمانوں کو ریسیو کرنا ہے. وہ 20 یا 22 برس کی لڑکی جو خود بھی انتہائی خوبصورت لگ رہی تھی دلہن کو اسٹیج کے حوالے کر کے اپنی دوستوں میں گھل مل گئی.
اچانک مجھے مہینے بھر قبل کا وہ منظر یاد آگیا جب ہم بھتیجی کی شادی میں ہال میں داخل ہوئے تو ہال میں بنے “برائیڈل روم ” کے باہر خاصے لوگ جمع ہو چکے تھے اور برائیڈل روم بند تھا جب وجہ معلوم کی تو پتہ چلا کہ اسوقت فوٹو سیشن ہو رہا ہے اور مووی بنانے والے دونوں نوجوانوں نے سب کو کمرے سے باہر نکال دیا کہ وہ مداخلت میں کام نہیں کر سکتے میں تو سرتاپا لرز کررہ گئی اور جب کمرہ کھلنے پر میں دیگر لوگوں کے ساتھ دلہن کو دیکھنے کی خواہش میں لپک کر کمرے میں داخل ہوئی وہ انتہائی نروس اور پریشان تھی. میرے استفسار پر آنسو روکتے ہوئے بولی کہ وہ مستقل اٹھاتے بٹھاتے رہے حتٰی کہ خود شانے پر ہاتھ رکھ کر ہدایات دیتے رہے کہ اتنی مہنگی تصاویر اور مووی میں آپ تعاون نہیں کر رہی ہیں. ہم سب نے بمشکل اسے نارمل کیا اور واضح رہے کہ یہ شرفاء کے گھرانوں کی تصاویر ہیں.

پچھلے ہفتے ماموں کے ہاں گئی حج کی مبارکباد دینے تو انکی بیٹی نے بھائی کی شادی کی کئی کئی کلو وزنی البمز اور مووی لا کر رکھ دیں کہ باقی سب تو گھر پر منگوا کر دیکھ چکے مووی بھی سب کے گھر ہو کر آگئی آپ نے دلچسپی ہی نہیں لی.
اب یہ لیجئے یہ تصاویر دیکھ لیں. ایک دو صفحے اسکے شکوے پر دل رکھنے کو پلٹ لئے. –
کوئی ایسی بات تو نہیں جو آپ کے لئے نئی ہو آپ سب کی نظر سے بھی وہ ویڈیوز اور البمز بار بار گزری ہونگی اور یہ معاشرے کے گھر گھر کی کہانی ہے.
وہ فوٹو اور ویڈیو جو ماں اور باپ بھی دیکھتے ہیں اور نانا نانی ماموں خالہ سب دیکھتے ہیں. بھرے پرے خاندانوں میں کسی ایک کو بھی خیال نہیں آتا کہ دیکھا دیکھی ہم کس تباہی کے گڑہے کی طرف بڑھ رہے ہیں. یہ اندھی تقلید ہمیں کس اندھیری گلی میں کھڑا کر چکی ہے. جو کچھ میڈیا پیش کر رہا ہے اداکارائیں انڈیا میں جا کر پیش کر رہی ہیں وہ معاشرے کا خاص طبقہ ہے لیکن اسکا اثر نفوذ اس درجہ میں کہ معاشرہ کا ایک حیا دار، باعزت گھرانہ بھی اپنی بہو بیٹیوں کو یونہی اغیار کے لئے پیش کر دیتے ہیں.
بیوٹی پارلر سے تیار ہو کر جب جوبن ہوتا ہے حسن، دلہن بے پردہ ہال میں داخل ہوتی ہے اور پھر اسٹیج پرپہنچتے ہی اسٹیج فوٹو گرافرز کے نرغے میں آجاتا ہے جو کیمرے کی آنکھ سے اپنے شیطانی جذبوں کی تسکین پروفیشن کے نام پر کرتے ہیں. میری طرح آپکو بھی ایسی سینکڑوں تقریبات میں شرکت کا موقع ملا ہوگا
جہاں ہزاروں شرکاء میں سے کسی کو بھی یہ خیال نہیں آتا ہوگا کہ اگر یہ دن ایک بار آتا ہے تو کیا اس لئے آتا ہے؟ کہ اپنے گھر کی عزت اس معصوم اور پاکیزہ وجود کو جو ہمیشہ سے زیادہ خوبصورت لگ رہی ہو یوں بنا سنوار کے نظروں کی ہوس کی تسکیں کا سامان کریں اغیار کی. وہ ایک دن جو بہت ارمانوں سے بہت دعاؤں کے بعد آتا ہے اس دن میں خوب جی بھر کر اس اللہ کی نافرمانی کی جاتی ہے جس سے بہت دعائیں مانگی تھیں اور جسکو گویا اب بھی لالی پاپ دے رہے ہوتے ہیں
(نعوذ باللہ دلہن کے سر پر قرآن رکھ کر). مخلوط تقریبات میں‌ رقص اور بھنگڑے اور تمام خرافات کے بعد اللہ پاک کو تسلی دیدیتے ہیں کہ قرآن کا سایہ ہے اسکے سر پر آپ فکر نہ کریں!

ان تقریبات میں ہر عمر کے مرد و خواتین اور بزرگ شامل ہوتے ہیں کسی کو یاد نہیں آتا کہ ہمارے دین کا امتیاز ہی “شرم و حیا” ہے. حیا سے محروم لوگ معاشرے کی زنجیر کی سب سے کمزور کڑی ہوتے ہیں. حیا اگر معاشرے سے اٹھ گئ تو اسمیں حیرت بھی کیا ہے؟
فحش ہورڈنگز، فحش لٹریچر، فحش فیشن میگزین، حتٰی کہ موبائل میں بھیجے جانے والے پیغامات میں بھی فحش کی بھر مار ہوتی ہے، کیبل اور نیٹ نے رہی سہی کسر پوری کر دی. ایسے میں تصور حیا کو مزاج کا حصہ بنانا دشوار کہ اس ذمہ داری کو نہ والدین پورا کرتے ہیں نہ اساتذہ ہی یہ ذمہ داری نبھانے پر آمادہ.
جہاں کپڑوں کی نمائش اور ٹیلرز کی ہر درزی عورتوں کی ڈمیز کی محتاج ہوتی ہے. ماڈل گرلز کی مسکراہٹیں اور حسن ، چیزوں کی قیمتوں کا تعین کرتے ہیں، فحش مذاق شخصیتوں کا حصہ بن جاتے ہیں، بے حیائی کے مناظر لطف کا ذریعہ بن جاتے ہیں تب ہم اخبارات میں چھپنے والی ان خبروں پر اظہار افسوس کرتے رہ جاتے ہیں کہ درندہ صفت لوگ چھوتی بچیوں کو ھوس کا نشانہ بنا کر قتل کردیتے ہیں.

ٹی وی ہو یا انٹرنیٹ یا موبائل فون کے جو موجد تھے ان اقوام نے اسے اپنی ترقی کے لئے بھی استعمال کیا لیکن ٹیکنالوجی کی یہ ترقی ہمارے لئے وجہ خسران ہی ثابت ہوئی.
موبائل فون ہو یا انٹرنیٹ مغرب کا تصور “پرا ئیویسی” اسکی بنیادی شرط ہے جو درحقیقت دلدل کا پہلا قدم ہے والدین نے ان خطرناک اژدھوں کے ساتھ اپنی اولاد کو تنہا چھوڑ دیا ہے. اسکی ایک وجہ یہ بھی ہے بچے اس ٹیکنالوجی کی دانائی میں جتنی دور نکل گئے ہیں والدین اسکے حروف ابجد سے بھی واقف نہیں ہیں وہ بچوں کے نیٹ کے ساتھ وقت گزارنے کو انکی قابلیت تصور کرتے ہیں. کم عمر بچوں کو اس ٹیکنالوجی کے حوالے کرنا در حقیقت انہیں گہری کھائی میں دھکیلنے کے مترادف ہے اور بچے والدین کی کسی بھی مداخلت یا مانیٹرنگ کو جاسوسی خیال کرتے ہیں. ہماری نوجوان نسل میں حیا کا یہ فقدان اور پورے معاشرے کا بے حیائی کے کلچرکو قبول کرلینا بہت بڑا خسارہ ہے. یہ اولاد ہمارے پاس ایک امانت ہے یہ امت کا قیمتی سرمایہ ہے. یہ وہ عظیم الشان نعمت ہے جسکی التجا پیغمبروں نے اپنے رب کے حضور کی.

دجالی فتنوں کے اس دور میں اپنی آئندہ نسل کی اسلامی خطوط پر تربیت اور حیا جو بنیادی اخلاقی صفت ہے اسکو انکی شخصیت کا جز بنانا ایک ایسی اہم ذمہ داری ہے جسکا اہتمام فوری اور ہنگامی بنیادوں پر کرنے کی ضرورت ہے. اگر حیا کا عنصر من حیث القوم ہم سے چھن گیا تو اس گراں قدر سرمائے سے محرومی ہمارے لیے دونوں جہاں کا خسارہ ہے. درحقیقت اس وقت اپنے جی کی چاہ پوری کر رہے ہیں کیونکہ نبی پاک نے فرمایا “جب تم حیا نہ کرو تو جو جی چاہے کرو”....الله ہمیں ہدایت دے ..آمین

سنت کے مطابق شادی میں خیر و برکت ہے ،،، پلیز سنّت کے مطابق شادی کو رواج دیں ..سنت سے محبت کریں سنّت کو پھیلایں اس سے اچھا طریقہ کوئی نہیں ہے.