سونی سونی ڈگر اجڑا اجڑا چمن
بن ترے یہ نہ مہکے گا مشک ختن
ٹوٹ کر جیسے گر جائے گا یہ گگن
میری ماں تو ہے جنت میں مست ومگن
کیسے تجھ کو کہوں پھر سے آجا یہاں
میری ماں ، میری ماں ، میری ماں ، میری ماں
یہ تو ممکن نہیں بھول جاؤں تجھے رات دن
فکر ہے کیسے پاؤں تجھے
دل میں کیا ہے تمنا بتاؤں تجھے
اپنے اللہ سے مانگ لاؤں تجھے
یہ تو ممکن نہیں اب ملیں گے یھاں
میری ماں ، میری ماں ، میری ماں ، میری ماں
سارے کنبے پہ رہتی تھی تیری نظر
اب کون لےگاہماری خبر
مشکلوں میں نہ ماتھے پر تیری شکن
یہ تو تائید غیبی کا تھا بانکپن
تیرے بن سونی سونی ہے یہ انجمن
دل کو بھاتا نہیں ہے یہ چرخ کہن
کس کو اپنی سنائیں گے ہم داستاں
میری ماں ، میری ماں ، میری ماں ، میری ماں
تو ہے سرمائہ حسن دنیا و دیں
تیری عظمت پہ قربان جان حزیں
دل میں آتا ہے، رکھ دوں میں اپنی جبیں
تیرے قدموں کے نیچے بہشت بریں
ہم تیری زمیں ہے، اور تو آسماں
میری ماں ، میری ماں ، میری ماں ، میری ماں
قبر تیرا بنے ایک عمدہ چمن
( تیرا میلا نہ ہو تا قیامت کفن (آمین
سوتی رہ جیسے سوتی ہو کوئی دلہن
یہ دعا کرتے ہیں سارے ہی مرد وزن
(تجھ کو مل جائے جنت میں بہتر مکان (آمین
میری ماں ، میری ماں ، میری ماں ، میری ماں
صبر کرتی تو ہوں صبر آتا نہیں
سامنے تیری صورت کوئی بھاتا نہیں
تیرا پیغام اب کوئی لاتا نہیں
درد دل ہائے رے میرا جاتا نہیں
الحفیظ الاماں الحفیظ الاماں
میری ماں ، میری ماں ، میری ماں ، میری ماں
میری ماں تیری ممتا پہ قربان میں
بھول جاؤں نہ الله کا فرمان میں
یاد کرکے جو ہوجاؤں حیران میں
تجھ کو پڑھ پڑھ کے بخشوں گی قرآن میں
تیری بیٹی ہوں میں اور تومیری ماں
میری ماں ، میری ماں ، میری ماں ، میری ماں