ورزش ایک صحت مند عمل ورزش کی اہمیت کے بارے میں اتنا کچھ لکھا جا چکا ہے کہ اس کے فوائد کا تذکرہ ؟ اور اس کے لئے ضروری نہیں کہ آپ بہت بھاری قسم کی ورزش کریں ، بس آپ کے معمول میں ورزش نام کی چیز ہونی ضرور چاہیئے ، خواہ یہ چہل قدمی ہی کیوں نہ ہو، ایک خاتون میں تین بچوں کی ماں ہیں کہتی ہیں کہ ، جب بھی مجھے ڈپریشن کا حملہ ہونے لگتا ہے ، کسی بات پر مایوسی ہو ، میں چہل قدمی شروع کر دیتی ہوں ، جیسے جیسے میری رفتار بڑھتی ہے میرا ذہن بھی ہلکا ہونے لگتا ہے ۔
سائنس دانوں کا کہنا ہے کہ ڈپریشن کے مریضوں کے لئے چہل قدمی ، جوکنگ ، رسی کودنا ، سائیکلنگ ، تراکی اس لئے بھی ضروری ہیں کہ اس سے ان کے شکتہ اعتماد کو قوت ملتی ہے ، یہ ورزشیں بہتری اور متحرک زندگی کا احساس پیدا کرتی ہیں ، اور ساتھ ساتھ انسان کو زندگی کے دیگر معمولات میں دلچسپی پر آمادہ کرتی ہیں ، ان ورزشوں سے اعصاب کو سکون ملتا ہے ، ذہنی دباؤ ، ذہنی تناؤ اور پریشانی کا خاتمہ ہوتا ہے اور یہی چیزیں ڈپریشن کا باعث ہوتی ہیں ۔
گھر کا ماحول خوشگوار اور روشن رکھیں :۔ ماحول انسان کے مزاج پر اپنے گہرے اثرات مراتب کرتا ہے ، تنگ و تاریک کمرے اور ایسے گھر جہاں روشنی اور ہوا کا گزر کم ہوتا ہو ، وہاں کا ماحول خواتین میں ڈپریشن کو جنم دیتا ہے ، جبکہ روشنی اور کشادہ ماحول انسان کو ذہنی طور پر فعال اور توانا رکھتا ہے ، جدید سائنس سے یہ بات ثابت ہوئی ہے کہ روشنی مصنوعی ہو یا قدرتی ہر دو صورتوں میں انسان کے مزاج پر اثر انداز ہوتی ہے ، روشن ماحول خصوصی طور پر ایک خاص قسم کے موسمی ڈپریشن سے نجات دلاتا ہے ، ماہرین کہتے ہیں کہ اگر اردگرد کا ماحول خوشگوار اور روشن ہو تو ذہن و دل پر اچھے اثرات مرتب ہوتے ہیں جبکہ بجھا بجھا اور تنگ و تاریک ماحول انسان کے اندر مایوسی ، افسردگی اور چڑچڑا پن پیدا کرتا ہے۔
گھر والوں کا تعاون :۔ اس مرض میں گھر والوں کا تعاون اور دوستانہ رویہ انتہائی اہمیت کا حامل ہے ، بعض ڈپریشن کے ماہرین کا کہنا ہے کہ ڈپریشن کے علاج میں اتنی گولیاں شاید اثرات مرتب نہیں کرتیں جتنی دوستوں کی میٹھی اور اچھی باتیں ، لہذا یہ بہت ضروری ہے کہ ایسے مریضوں کے ساتھ عزیز و اقارب کا رویہ دوستانہ اور ہمدردانہ ہو ، خاص طور پر متاثرہ خواتین کے شوہر کا اس ضمن میں بہت ہم کردار ادا کرتا ہے ، اس کے باوجود ایک بات یہ بھی یاد رکھئے کہ آپ اپنے سب سے بڑے دوست اور سب سے بڑے دشمن ہو سکتے ہیں ، لہذا ڈپریشن سے نجات کے لئے آپ کو خود فیصلہ کرنا ہے ، اور آپ کا یہ عزم اور ارادہ جتنا مضبوط ہو گا ، آپ ڈپریشن کو اسی قدر جلد شکست دے سکیں گی ۔
