جن بہن بھائیوں دوستوں کی ماں نہیں ہے انکے نام لکھ رہا ہوں۔

 

سر گودمیں رکھ کر غم دل کا بیاں کہوں

میں کس سے اپنا درد کہوں کس کو ماں کہوں

                شکوہ ہے مجھے اپنے خداوند سے اس کا

کیوں تجھ سے ہو سکی نہ ملاقات آخری

حسرت ہے تو بس اتنی کہ اے میری پیاری ماں

کر لیتا میں تجھ سے بھی کوئی بات آخری

ارمان تھا یہ میرا کہ بس ایک بار ہی

گزری رفاقتوں کی کوئی داستاں کہوں

میں کس سے اپنا درد کہوں کس کو ماں کہوں

زندہ ہوں تو یہ بھی تیرا احسان ہے مجھ پر

میں نے تمہارے خون سے پائی ہے یہ حیات

میرا کوئی وجود نہیں تھا تیرے بغیر

مجھ میں تیرے وجود سے آئی ہے یہ حیات

ہے موت حقیقت مگر اتنا تو بتا دے

اب کس کو تیرے بعد اپنا رازداں کہوں

میں کس سے اپنا درد کہوں کس کو ماں کہوں

جس چیز کی نسبت ہے میری ماں کی ذات سے

پیاری ہے مجھے جان سے بڑھ کر وہ ہر ایک چیز

ادنیٰ سی انکے ہاتھ کی چھوئی ہوئی شئے بھی

وابستہ ہے تجھ سے میری ماں کا نشان ایک

شہر خموش کیا میں تجھے امتحاں کہون

میں کس سے اپنا درد کہوں کس کو ماں کہوں

اب میری زندگی میں کوئی دلکشی نہیں

لگتا ہے اپنا گھر بھی پرایا ہی گھر مجھے

روتا ہے تیری یاد میں ہر وقت میرا دل

تیرا خیال رہتا ہے شام و سحر مجھے

ملتا نہیں سکوں مجھے اب تو کسی جگہ

دل مانتا نہیں کہ تجھے آنجہاں کہوں

میں کس سے اپنا درد کہوں کس کو ماں کہوں