كل واحد فينا جواه حاجات كتيره اوي نفسه يجربه والي حد ما الحاجات دي بتكون مرفوضه من مجتمعنا ، بسب عاداته وتقاليده الجميله ، بس بيفضل طول عمره عنده امل انه يجربه .. ودايما بيخاف اوي انه يقول الحاجات دي حتي لاقرب الناس ليه ، او حتي يكتبها علي ورق .
وانا ببساطه زي كل المصريين نفسي اجرب واجرب بس لاسف مش عارفه مش علشان خايفه من المجتمع وعاداته وتقاليده ، صدقني انا عمري مفكرت كده ولا عمري مهفكر بالاسلوب ده .. وصدقني مش حوار فريه وحريه والكلام اللي دايما حقوق المرأه والناس دي مصدعنا بيه ، عارف ليه بجد انا كده علشان انا وصلت لمرحله اني بجد مش قادره افهم المجتمع ، مش قادره افهم هوه العلاقه بين الولد حرام ولا حلال . بلاقيها بالنسبه للولد حلال اوي وعادي اما للبنت دي دعاره ومش ينفع ابدا تفكر في الحاجات دي لمجرد التفكير ... وطبعا غير الظاهره دي ظواهر كتيره جدا علشان كده حقيقي مش قادره اقتنع اننا مجتمع اصلا المهم بقي الحاجات اللي نفسي اوي اجربها ونفسي اكتر مش تحكم عليه ولا تفكر اصلا انك تعمل كده وصدقني "دي مش دكتاتوريه دي بس "حياتي.
اولا : نفسي اوي بجد اجرب السيجار واشربها علي طول ، اه السجاير اكتر حاجه نفسي اجربها مش علشان تقليد ولا اثبت حاجه لحد ، علشان بجد حاسه انها الحاجه الوحيده اللي هتحسي بيه وهلاقيها واقفه جمبي من غير متكون عاوزه مني حاجه ولا هتقولي معلشي ، هتقولي لا هي هتاخد طبعا صحتك.وعمرك كله ، وصدقني لو قولت الكلام ده هحسبك مش مصري فعلشان خاطري بلاش كلمه الصحه
بلاش اقول ثانيا علشان محسسكاش انك بتقرأ كتاب العربي بتاع اولي اعدادي ، المهم بقي يا سيدي ثانيا نفسي اجرب اتحضن وحد يبوسبني بس علي الطريقه الاجنبيه ، عارف اما تشوف توم كروز بيبوس كاميرون دياز انا نفسي بقي في المشهد ده ، صحيح انا مش شبه كاميرون دياز خالص وطبعا اكيد مش هلاقي حد شبه توم كروز يبوصلي بس اعتقد ان البوس في كل الدول موحد . انا نفسي بقي في اللحظه وصدقني من جواه قلبي نسي اقف عند الحد ده مش عارفه ليه ،حقيقي مش عاوزه امارس الجنس مش عاوزه حتي افكر لمجرد الغريزه فيه حاسه انه حاجه بنعملها علشان غيرنا عملها واستمتع بيها مش علشان هوه عاوز يعملها ، وانا ده مش عاوزه اعمله ...
وللمقال تكمله اخري
