ہمیں خدا تعالیٰ کی ذات پر مکمل بھروسہ ہونا چاہیے کہ وہی ایسی ارفع و اعلیٰ ہستی ہے جو کائنات میں سب سے برتر زبردست اور ہر شے پر قادر ہے۔ اس کے بھروسے پر زندگی گزارتے ہوئے خاص قسم کا اعتماد ہمارے اندر پیدا ہو جاتا ہے جس کی موجودگی میں ہر کام آسانی سے ہو سکتا ہے تاہم یہ یقین دل میں پیدا ہوتے ہوئے بھی ہم انسان ہونے کی حیثیت سے ہر کام میں کسی دوسرے انسان کی مدد یا کسی دوسرے کے سہارے کی ضرورت محسوس کرتے ہیں آیئے اس بات کا جائزہ بھی لیں کہ دنیا میں ہم کسی حد تک کسی انسان کی مدد یا کسی دوست کے سہارے پر انحصار کر سکتے ہیں۔

فرض کریں کوئی دوست ہماری مدد کرنا چاہتا ہے اور کر بھی سکتا ہے یا کوئی انسان ہمارا ہمدرد ہے اور ہمری مدد کرنے کے لیے رضامند بھی ہے اور مدد کر بھی سکتا ہے تو ایسے دوست یا ایسے شخص کا انتخاب کرنا ضروری ہے جو پیدائش سے موت تک ہمارا ساتھ دے۔ جب ایسے دوست یس ایسے شخص کا انتخاب کرنا ضروری ہے جو پیدائش سے موت تک ہماراساتھ دے۔ ہم جب اس کی ضرورت محسوس کریں وہ ہمارے پاس موجود ہو۔ ہم جب اس کے سہارے کی خواہش کریں، فوراً چلا جائے۔ کیا کوئی ایسا انسان ہو سکتا ہے جو ہمہ وقت ہمارا ساتھ دینے کے لیے تیار ہو جو زندگی بھر ہمارے ساتھ ساتھ رہے۔

ذرا غور کیا جائےتو ہم اس نتیجے پر بہت جلد پہنچ جاتے ہیں کہ ہاں ایسی شخصیت دنیا میں ہے تو سہی مگر وہ خود ہماری اپنی ذات ہوتی ہے ہماری اپنی ذات ہی پیدائش سے موت تک ہمارا ساتھ دیتی ہے دنیا میں دوست بنتے ہیں ساتھ چھوڑ جاتے ہیں مگر ہم اپنے آپ سے ہمیشہ دوستی چاہتے ہیں۔ ہم دنیا مین دوست بناتے ہیں وہ ساتھ چھوڑ جاتے ہیں مگر ہم  اپنے آپ سے ہمیشہ دوستی چاہتے ہیں۔ ہم اپنا برا کسی وقت بھی نہیں چاہتے۔ ہم بڑے بڑے وفا شعار دوست حوادث زمانہ کے ہاتھوں ہم سے جدا ہو جاتے ہیں مگر ہم خود اپنے ذات سے کبھی جدا نہیں ہوتے۔ تو کیوں نہ اپنی ذات کو دوست بنایا جائے۔ ہر کام میں اپنی ذات کا سہارا تلاش کیا جائے۔ ہر مشکل میں اپنی ذات سے مدد مانگی جائے۔  ہمارے لیے خود ہم سے بڑھ کر کوئی بھی ہمدرد ساتھی نہیں ہو سکتا۔ تو کیوں نہ ہم اپنی مدد پر بھروسہ کریں اور ہر کام میں کسی ساتھی یا کسی دوست کی مدد تلاش کرنے کے بجائے اپنی ہی بل پر اسے انجام تک پہچانی کی کوشش کریں۔

دوسرے  کے سہارے پر زندگی گزارنے والوں کا انجام بیت برا ہوتا ہے اور ایسے لوگوں کو مشکل کے وقت دوست یا ساتھی کا سہارا نہ ملے تو وہ ڈانواں ڈول ہونے لگتے ہیں کیوںکہ لگاتار دوسروں کی مدد پر سہارا کرتے رہنے سے ان کے اندر سے یہ احساس ہی جاتا رہتا ہے کہ ہم اپنی مدد آپ بھی کر سکتے ہیں۔ دنیا میں جس قدر بڑے لوگوں نے اپنا نام بنایا سب نے اپنی ذات پر اعتماد کر کے اور ہر معاملہ میں اپنی مدد آپ کر کے ہی بڑائی حاصل کی۔ جتنے نامور لوگ ہوئے ہیں سب نے اپنی ہی ہمت سے نام پیدا کیا۔ ہمیں چاہیے کہ کسی دوسرے کی مدد پر انحصار نہ کریں اور ہر معاملہ میں اپنی مدد آپ کے اصول کے پیش نظر رکھیں اگر ہم اپنی مدد پر انحصار کر کے زندگی گزاریں گے تو ہمارا ہر کام انجام تک پہنچ کر رہے گا۔ ہماری ہر کوشش برور ثابت ہو گی اور زندگی کے ہر میدان میں ہماری فتح ہو گی۔